فوق هام السحب ( الشعر الشعبي) على متن القوافي

‏أسمٍ بقى رغم المسافات مآثور
‏كلّ ما طرأ لي عاود البال طيشه

‏وأنا طيورٍ فوق شبّاكك تدور
‏باعت مسافات الخضار بـ دريشة

‏ما زال وجهك غربة سنين وشهور
‏أحتاج أحبه مرّة أخرى وأعيشه

....

‏خذتني الذكريات وجيت لك سيراً على الاحلام
‏لو اني ما اذكر اني قلت لك بمشي وقلتي وين

‏يا فرصة عمر كيف افرح بها واعيشها مادام
‏بغمضة عين جات وسافرت عني بغمضة عين

‏ذكرتك وابتسمت وبانت الدمعه ولا تنلام
‏ذكرت احلى الليالي من شهر سته لشهر اثنين

‏محمد المسعري

مذهبٍ حالي بطاريك يامال الذهاب
مابقى بالقلب من سبتك عرقٍ ندي

أن نسيتك فـ أعرف أني موارى فـ التراب
وأن تذكرتك عسى الله يسامح ويهدي

....

تعبت من الجفا لاني ابيه بخيره و شره
ولكن عزتي ضدي تشوف افعاله بمجهر

رضيت استسلم لعقلي وقلبي مارضخ مره
يقول ان فازت العزه ترى الفرقا بعد تقهر

احس اني من الحيره صغيرٍ ماسكٍ جمره
اباكابر و لكني لقيت ان حرقتي اكبر

....

عز الله ان الشدايد عندي اكبــر فضيله
عرفت فيها جميع الناس هــين وغـالي

عرفت فيها النشاما والنفــوس الـذليله
كسبت منها رجال الجــود وهل المعالي

ياعاشق المال كسب المال ماهو وسيله
انا الشرف والمروه والكرم راس مـــالي

....

برآفو على الزمن يكشف الناس
ويظهر لك نفوسٍ قديم مرضها

تظن رفقتهم مكاسب ونوماس
ويامسرع ماتقفي ليا آخذت غرضها

....

ماكل بنت سوت احساب تبغاك
يالي على الخاص لاحق طرفها

اقولها واشهر بها واتحداك
بنت الاصل منت بلاحق شرفها

....

‏حب البـشر والـكره ماهــوب مقياس
‏بعض البشر لأنك كفو يكرهونك

‏ومافيه أحد يقدر يحقق رضا الناس
‏حتى أنت ماكــل البشر يعجبونك

....

حسن الله بالوقار ولا اختلف مذهبنا
من تغير مذهبه جعله فدا رجلينا

واللي اقفانا بهرج الزور وبيعذربنا
بيشيب رمش عينه مابحث خافينا

يكفي اللي سوات المنقله لاغبنا
يعتدل وضعه سوات المسطره لاجينا

...

مالي غناةٍ عنك يامال الغناه
‏أنت الحياه اللي أهيم بحبها

‏طيفك يحاصرني مع كل اتجاه
‏يا اجمل مواضيع القصيد ولبّها

‏شُفهم لا قالوا إنت تحب الحياه
‏أتخيّلك واقول اي والله احبها

....