فوق هام السحب ( الشعر الشعبي) على متن القوافي

الله من ضيقةٍ في الصدر ما تنشكى
إلا على الواحد الحيّ السميع المجيب

أبا تذيـكا عليها لو مامن ذكـى
لا تنكشف ضِحكة العدا وحزن الصحيب

وإن زادت الضيقه اللي تاليتها البكى
ببكي لحالي قبل لايبكي أقرب قريب

....

‏الشـوق لك وحـدك من بـد هـالناس
لك المشـاعر تــشتعل في خـفوقـي

الشوق يشعل جمرته صوت الأنفاس
ولا شب جـمر الشوق هليت مـوقي

عليك ياضبي الفـلا طـيب السـاس
الـي عـلى جــاله تـدفى عـروقي

....

‏تغيب عن عيني ولا غاب لك طيف
واسامح جروحك ولو كنت مخطي

ليتك تعرف الشوق في غيبتك كيف
حتى تعرف القلب وشلون يعطي

....

يـا مسـاء الخير يا كل الحضور
ويا مسـاء الطيب والورد وعبيره

المشاعر كلها ورد وزهور
وأنتم إحساس الغلا من كل ديـره

بقلمي

الصعب هلاّ قلت ياصعب سهلا
دامك تبيني فانت ياصعب شوقي

احب اعسف المهرة اللي تغلى
واحب اروض كل طرف يموقي

....

اتصالك عن وصـال الغيـر قانع
دام صوتك يشرح الخاطر سمَاعه

لا تخلّي فارق التوقيت مانع
والله أنه مرحبا فـ كل ساعه

....

انا تولعت بك ما عاد لي فكه
مـدري البلا منك ولا اني تبليتك

ما قلت احبك عبث والا عن الشكه
تبيني اقسم قسم بـ الله حبيتك

....

ياحبيبي ليه تزعل علي مالك دليل
لا تصدق كل علمنً يرد لك اخبره

انت عندي بالغلا والحلا مالك مثيل
من عرفتك ماملا العين في وزنك مره

لا تغلى وانت غالي من الوزن الثقيل
مايهز اجمل بنات العرب منك اشعره

....

نكتم شعور قلوبنا من حيا الروح
دام الامـانـي بالمحاني كثيره

أحيان نطـريها على البـال وتروح
وأحيان تطغى بالخفوق وتثيره

....

انـشــر لك إحـساسـي على شان تقراه
ماهو ع شـان تسوي اعجـاب وتروح

حبيت تعرف ماحــوى القلب واخفاه
وتفهم فديتك ماقصــدته في البوح

لك في خـفوقـي حب ياحب ما اقواه
ولك عشق فـينـي ساكن الروح ياروح

ولك في صميمي ود ما ودي انساه
ولك شوق دايـــم مسكنه داخل الروح

....