فوق هام السحب ( الشعر الشعبي) على متن القوافي

خلك صريح و بعض الاحيان جامل
ولا تتعب العالم معك قدر الامكان

و ان ما قدرت تكون انسان كامل
حاول تكون بقدر الامكان انسان

....

الحب فن و ذوق و اخلاق و اسلوب
و مشاعراً تعطى ما هي بمغصوبه

و انا هوى بالي من البيض رعبوب
يلفح جدايلها نسايم هبوبه

كامل حسين اوصاف ما فيه عذروب
لا شفت وجهه ما تدور عيوبه

بيديه لو يسقيني السم مشروب
اذوق بلساني ل سمه عذوبه

....

استغفر الله واطلبه واترجاه
عن كل يومٍ مرني ما شكرته

واستغفر الله وانكسر واطلب رضاه
عن كل ليل بغير طاعه سهرته

بقلمي

يا دقيـق العـنق يا شبه القمر
يا كحيل العين يا عذب الشفاه

مالي الساقين مدقوق الخصر
عود موز تاه في غاية رواه

....

من شالنا بالعين شلناه بالعين
وان ضاقت الدنيا لقانا رصيده

ومن خصنا بالزين نكسيه بالزين
غصبا على خشم الامور العنيده

....

‏لا بغيت اسج شفت الصور والذكريات
وابتدا حزني يراجع مع الذكرى عناي

من فقد له محزمٍ في الامور المعضلات
ابتلاه الحزن في سكته رايح و جاي

والله اني عقب موته وانا كلي شتات
انكسر عزمي وتاهت على السكه خطاي

....

ناح ورق الشوق والعين راجت بالدموع
والاماني مال صلف الهوى بـ عذوقها

اقنعنتي سود الايام لو ماني قنوع
وحرمتني دلة الوصل قبل اذوقها

يجتلد ذيب الطواري ورى عوج الضلوع
والهموم آتدك ذود الشقى وتسوقها

اتقوى والهوى شر والفرقا تروع
وذكريات الفقد غنت على طاروقها

واقف لي عام بين التقدم والرجوع
في رجاء سحًب التواصل تلوح بروقها

ياعشيري عادني لـ الوعود اضما واجوع
وانت ماضني وثاق العهود تبوقها

ليه تقطعني وانا خابرك منت بـ قطوع
وليه ماتعطي كبار الحقوق حقوقها

لو تقول الصبر نوره مثل نور الشموع
الامل لـ الحين شمسه ماشفت شروقها

لا توضح وانت قلبك على الصده جزوع
العذر ورد الهقاوي مابل حلوقها

بين مضمار التخطي ومضمار الوقوع
رحلة الاقناع عيت تبين فروقها

ليت لي عين ماتبكي وقلب مايزوع
وليت لو آن ليت ماعاد يمشي سوقها

المحبه خلّت اللي يفضون الجموع
تفرك كفوف الندامه وتشكي عوقها

....

في وداعك : ليلة السبت تشكي للربوع
موعد فيه المواصل طموح ومطمعه

لو كسر صوم المشاريه تذريف الدموع
أنهمر مزن من الموق محد يمنعه

غبت وأوقدت المحاني وطفيت الشموع
وأجترعت بـ فقدتك سم محد يجرعه

وإستحل الحزن ما بين حدبان الضلوع
صرت أشوف الحزن مال الجهات الاربعه

والحـزن بـ القلب ليته بـ تذريف الدموع
إشهد أن الحزن بـ القلب حاجة موجعه

....

ياقوّ قلبي يوم صديت قوّاه
عن الذي اموت ولا تركته

الخاطر اليا طاب اعوذ بالله
لو كان باقي لي كلامً شرحته

لعلّها خيره بما اختارها الله
على كثر ماكنت احبه كرهته

....

الله على جو الغلا بين الاثنين
حب ومشاعر شوق واحساس عشاق

يروق جو الحب مابين قلبين
مزح وضحك واللعب مابينهم راق

في مرتع العشاق والحب لاهين
في جلسة يحلى بها لعب الأشواق

....