فوق هام السحب ( الشعر الشعبي) على متن القوافي

دنياك عشها تواضع وانتبه تظلم
احسب حسابك ترى الايام دواره

وغض البصر لا تدور غرة المسلم
من لاستر عار غيره ينكشف عاره

....

جعـل ﺎلسعـاده يـا متابع لك غيوم
تمطر على ارض المشاعر وترويك

وان كان في صدرك تعاليل وهموم
تغسـل مجاري خافقك لين ترضيك

بقلمي

لا عطاك الحظ فرصه لا تشاور
ولا بديت تخُـوض فيها لا تفكر

ولا انقفل باَب افتح الباب المجاور
وافتح اَلثالث إذا الثاني مسكر

....

اللي يرخّص قدرنا كيف نغليه
واللي خذلنا ما نثمّن وقوفه

لاضاعت الهقوه وكل الرجا فيه
لو هو بجنب اكتافنا ما نشوفه

....

الناس مثل البن والوقت محماس
ومن تحتهم نار السنين العجافي

نوعٍ ليا ذقته يكيف لك الـرأس
ونوعٍ عسى ربي يديم العوافي

....

ليت الكلام يدآوي الجرح والروح
كان القصيد اللي نقوله .. نفعنا

أو ليتنا لا فضفض لساننا بوح
يطيب جرح (ن) غافيٍ يمتحنا

....

اهل الكرم والطيب دايم على طيب
حتى لو ان الوقت قاسي ومتعوب

ترى البشر نوعين مخطين ومصيب
خلك حكيم ولا تكن شخص مغلوب

....

ياقلبي اللي ما قدرت الحق جزاك
اسف على جور الليالي والسنين

ماعاد باقي لك من الماضي هذاك
ألا بقايا من شعور ومن حنين

يا كثر ما قلت لك ولا ربي هداك
ماهيب لا مره ولا هي مرتين

اغلب مشاكلك الكبيره من وفاك
ما عاد لي قدرة لتلويح اليدين

....

غزيت قلبي دون ماتشعل الحرب
وفرضت عشقك دون خطه وتكتيك

سلاح حبك فاق ماتصنع الغـرب
سلاح ضارب فكك القلب تفكيك

سهام حبك دمرت درعي الصلب
وصرت أحبك حب مـافيه تشكيك

أنت الوحيد اللي سكن داخل القلب
وكتبت لك بالقلب والروح تمليك

....

يطيب لي بـالشوق ذكرك وطاريـك
‏وأسـرح وأفكر فيك وأدرس صفاتك
‏
‏لو جيتني مشتاق تدري وش أعطيك
‏قـل لي أبي روحك وأنا أقول جاتك

....