فوق هام السحب ( الشعر الشعبي) على متن القوافي

لي وليف عشقني صدق وانا عشقته
والمحبه من الله والهوى بالتراضي

ما يهم ان سبقني بالغلا او سبقته
نتفق بالمحبه دون شاهد و قاضي

....

‏يابو عيونٍ وسيعه كنّها عين حور
‏قلبي جهاز انقطع في غيبتك وايره

‏غديت ادور وصالك بين دور ودور
‏كنّي ادور زوايا داخل الدايره

....

‏اما عشقنا عشق مافيه تلفيق
والا هجرنا الحب مذهب ومله

اما غرام يشرح الصدر طاريه
والا عسانا ياعرب ماعشقنا

....

لمحت انا بين المخاليق مخلوق
من زينها بالليل طفيت ضوي

يا زينها تضوي على الخلق ببروق
ورموشها تطلق صواريخ جوي

لولا الحيا من الناس والهرج ما يلوق
سلمت له واللي يريده يسوي

....

‏مآ يذبح الرجل الثقيل السنآفي
‏إلآ الهنوف إللي تعرف الموآجيب

بنت الرجآل إللي بهآ الزين ضآفي
‏إللي تعرف الطيب وتجنّب العيب

....

‏البارحه طاري الهواجيس هدّام
هدّ العيون اللي هجرها منامي

دق الوتد ثم شَيّد بصدري خيام
‏فيني جها من صلف الأيام حامي

‏كنّي بقايا بيت ورڪونه حطامم
‏ماظنتي بَ يفيد جمع الحطامي

....

‏لا تشوف اللي تحب بنظرةٍ مألوفه
‏انت عاشق و النظر جهر الشعور و سرّه
‏ㅤ
‏لا قدرت تشوف وجه اللي تحبه شوفه
‏كنّك اول مرّه تشوفه او آخر مرّه

....

وﺩﻱ ﺃﺟﻴﺒﻚ ﻓﻲ ﺳﻤﺎ ﺍﻟﺤﺐ ﻏﻴﻤﻪ
ﺗﻤﻄﺮ ﺗﻔﺎﺻﻴﻠﻲ ﻭ ﻳﻜﺘﺒﻨﻲ ﺍﻟﺪﻳﻢ

ﻳﻤﻜﻦ ﺗﻨﺴﻴﻨﻲ ﺟﺮﻭﺡٍ ﻗﺪﻳﻤﻪ
ﻭ ﺃﻟﻘﺎﻟﻲ ﻓﻲ ﺻﺪﺭﻙ ﻭﻃﻦ ﻳﺸﺒﻪ ﺍﻟﻐﻴﻢ

....

ناديت بإسمه ورد بشوق ي عيونه
‏ذابت عروقي ودارت دنيتي فيني

فدوه لعينه وعيون اللي يحبونه
‏واحد يساوي بهالدنيا نظرعيني

....

تعبت من الجفا لاني ابيه بخيره و شره
ولكن عزتي ضدي تشوف افعاله بمجهر

رضيت استسلم لعقلي وقلبي مارضخ مره
يقول ان فازت العزه ترى الفرقا بعد تقهر

احس اني من الحيره صغيرٍ ماسكٍ جمره
اباكابر و لكني لقيت ان حرقتي اكبر

....