فوق هام السحب ( الشعر الشعبي) على متن القوافي

‏ناطحن ضيم الليالي والظروف
‏في حما رب المكارم والسخا

‏والشقا دامه معوض وامخلوف
‏والله ان يبطي حزامي م ارتخا

....

‏نرتفع ونشوم عن فعل القبيح
‏والرخامه ما طرقنا ابوابها

‏ولا نخاوي غير كساب المديح
‏والرخوم لها رخوم اولابها

....

‏مال للطناخّة غير رُوس المطانيخ
ومن قبلهم أجدادهُم مانِسوها

ماكل راعِي بشت شيخٍ.‏وٌلد شيخ،
تالي الزمّن حتى الرخّوم لبسوها

....

‏للساقطه لاقط وللطايله ذيب
وللدرب قصّاصه وللسيف سلّه

وللهرج ناس وللفعايل معازيب
واللي يبا درب المراجل يدله

ذائقة

يا نفس شومي واعتلي فوق مبداك
ومبداك روس النايفات الطويلات

جعل الردي يفداك واللاش يفداك
واهل الحكي واهل النفوس الثقييله

....

‏ماتساوى الروس في عز النفوس
فرق شاسع بالمكانه والقدر

فيه روسٍ تنحني قدام روس
وفيه روسٍ شامخه عز و فخر

....

‏يا رفيقاً يحد السيف ويسله
كل ما اقفا رفيقه حش عرقوبه

رفقتن مالها مذهب ولا مله
يالله العفو والغفران والتوبه

....

‏يقولون وشفيك متغير وحالك حال
‏وانا اقول مايبقى على حاله الا الله

‏مقادير وظروف وهقاوي وقيل وقال
‏ووضع يكدر صافي البال ويعله

....

مايعتذر بالمال عند المواجيب
من كان نفسه بالمكارم غنيه

الفقر مارد النشاما عن الطيب
والمال ماعز النفوس الرديه

....

‏ربعن على درب المراجل تدلك
‏وربعن على دروب الردايا توديك

‏وربعن تعزك لانوى الوقت ذلـك
‏وربعن على سود الفعايل تبديك

....