فوق هام السحب ( الشعر الشعبي) على متن القوافي

‏مصير الأيام تكشف لك كنين الصدور
كانك تشوف الوجيه وتجهل قلوبها

قلبك دليلك ليا اشتبهت عليك الأمور
لاتقرب اللي يجيك الشك من صوبها

....

‏يسعد مساء طيفك وطلت محياك
يا حور في الارض ماحدن غيرك

ان قلت لك انت القمر نوره حياك
وان قلت انت الورد عطره عبيرك

.....

بعض البشر يعجبك حتى آحترآمه
وتحب فيه آجمل صفآته وترتآح

آن غآب تشفق في لقآه وسلآمه
واليا حضر همك من القلب انزاح

....

عزاه ياخلن سعى في عذابي
وانا عن عيون المخاليق اداريه

مدري نوى خلي يصفي حسابي
ولا يبي يجرب غلاه وتغليه

احترت مابين الخطاء والصوابي
وشلون محبوبي عذابي يسليه

....

‏الله يمسي كل الاجواد بالخير
بعد المساء بثني عليكم سلامي

يوصل محمّل بالمعزه وتقدير
على الجميع بدون ذكر الاسامي

بقلمي

تغاضيت عن زلة رفيق و عتب غالين
وصبّرت قلبٍ سود الايام موجعته

رميت العتب في سلة المهملات ايلين
لحقني الخطا من واحدٍ ما توقعته

....

‏نبع الغلا عندك وعندي مصبّه
‏ومن الولا في خافقي لك ولايات

‏وطيفك حطب عيني وعيني مشبّه
‏والشوق برد ما انقطع لو للحظات

‏ومكانك الصدر ولك القلب شبّـه
‏بين الضلوع اللي فردها التنهات

‏ولك بيرق فالقلب حبك يهبّـه
‏شامخ ولا هزه من العذل غارات

....

تجارب الدنيا عطتني شهادات
ومن عاش في الدنيا خذاله تجاريب

دنيا لها خلف الكواليس دورات
ترعى مع الراعي وتطمر مع الذيب

....

رافقت لي ناسٍ على الطيب يمشون
هم الاصل والـطيب هم الفخامه

طيب اللقى بصدور رحبه يهلون
ومن رافـق الـطيبين يكبر مقامه

عن الكلام الشين حـشمه يصدون
بعيونهم توصيف طبع الشهامه

....

‏احفظ لسانك عن البهتان والغيبه
وأغنم حياة السعد والعز من بدري

من ينشغل في عيوب الناس عن عيبه
زادت عيوبه وهو مشغول مايدري

....