فوق هام السحب ( الشعر الشعبي) على متن القوافي

من عاش فالـدنـيا علَشان يحتال
يبي يمــوت وغـــايته مـالحــقها

جعله فداً لمصخّر الجـاه والمال
اللي تعــب للمرجــله ويعـشقها

الفـرق بيّن فالأسـامـي والأفـعال
والنـاس يـوم اللّـه خـلقها فرقها


هـزاع الغـميسي

صواديف بقعا لو تخلي الجبال طحين
ما ترخي على كسب الجمايل عزايمنا

صبرنا على اللوعه لا مره ولا ثنتين
ولا احدً على صبرً صبرناه لايمنا

صدوف اليالي صارت بيومنا روتين
واكلنا مطبات الزمن مع ولايمنا

ونطحنا الظروف القاسيه كلبوها لين
ثبتنا وحطونا النشامى على اليمنا


مزيد

الخطا وارد وموجود حتى فالصلاه
قِدم رب البيت نخطئ ونسجد له سهو

كيف قِدم إنسان مخلوق غيبه ماقراه
تستغله ضحكة الوقت والدنيا لهو


بدر مروي

يقولون لا ضاقت عليك الوسيعة غن
وأنا أقول جهّز لا تضايقت سجاده

وناج العظيم الي على هقوتك والظن
ما خابت رجاوي من لجى له من عباده

كريمٍ تعالى ما لحق مدته.. بالمن
جزيل العطا ما ينقصه كثر ما زاده

تزول الشدايد لا تضايق ولا تحزن
نواصي الخلايق بأمر واليك منقاده


عبدالحميد الشمري

الــرزق بالدنيا مقاسيم ووفوق
نوب تكايــدنا ونوب تروقــــي

وعناية الخالق على كل مخلوق
محيي الهشيم ويابسات العروقي


بدر الحويفي

ياشيب عين الي تحده ظروفه
رجل غزاه الشيب من قل ماله

وقامت عليه ايام دهره تحوفه
واللي بلاه الفقر ياويش حاله


م

الا واهني اللي ليا حط راسه نام
زمانٍ يلوع أهل المواجيب مالاعه

والاواعذاب اللي ليا غط ساعه قام
كما حال طفلٍ راقدٍ له على راعه


محمد أبوعبيه

عش حياتك مثل ماتبغى تعيش وحب واكره
حب واكره باعتدال ولاتبالغ في الميانه

لاتظن انك مهم وخذ من الايام فكره
فكرةٍ تشرح لك الموضوع ياعنتر زمانه

مايهايل فوق راسك بالتراب ان مت بكره
الا اعز الناس واقربهم الى قلبك مكانه


سعيد العلياني

والله مانحسب حساب المشاريه
اللي تجي من واحدٍ مايقدّر

راع الوفاء نعطيه حقه ونوفيه
منّا يروح وخاطره ماتكدّر

والرجل يعرف ويش تاطا مواطيه
وليا خذا الماجوب قدّر وصدّر

لولا مواقفنا خذونا المداريّه
ورحنا كما برقٍ يلوّح وتحدّر


لاحق العضياني

يارب ثبتنا على الحق والدين
فيك الرجاء وانت الرجاء والثباتي

حنا ماحنا في حــياتك مقــيمين
ضيــوف خــير وتاركيــن الحياتي

العلم والله لاغـدا العــلم علمين
يوم الحساب وبعد وقت المماتي

جربت في الدنيا وذقـت الامرّين
ولافيه ألذ من الخــشوع بصلاتي


مازن العوني