ديوان قصائد لشعراء المملكة العربية السعودية (متجدد)☘️☘️

قصيدة احدٍ بذكره حيّ
الشاعر: لفى الهفتاء لفى الهفتاء
#العصر الحديث
#المملكة العربية السعودية
0
72 مشاهدة

أحدٍ بذكره حي لو كان ميّت

وأحدٍ خلافه صار ميّت وهو حيّ

هذا فعل لو السُبل ما تهيّت

وذاك ان تهيّت كلها ما فعل شيّ

أحدٍ ترى مجبول وأحدٍ بخيّت

بالطيب وأحدٍ فاقدٍ هذي ذيّ

يا قلّ ناسٍ في فؤادي تفيّت

ويا كثر ناسٍ منّها غاسلٍ ايديّ

قصيدة يا استقامة روح من ضلعٍ حدب تفعيلة
الشاعر: لفى الهفتاء لفى الهفتاء
#العصر الحديث
#المملكة العربية السعودية
0
72 مشاهدة

يا استقامة روح من ضلعٍ حدَب
من متى عين الهجر ينبت بها جفن وهدَب؟!
ما علّمك قلبك وقال:
إن الجفا عقب الوصل
قلة أدَب؟!

قصيدة الجد والغي
الشاعر: لفى الهفتاء لفى الهفتاء
#العصر الحديث
#المملكة العربية السعودية
0
69 مشاهدة

أثر الصغيره بالمشاعر كبيرة
من يوم راح الليل جدٍ وهو غيّ
بعد ارتجلت أبيات شعرٍ قصيرة
في ميّ ثم قالت وهي تحضن يديّ
هو أنت شاعرها؟ وهي مستطيرة
ثم قلت: ما هي ليّ لو إنها ليّ!
قصدي أداري شي من باب غيرة
عن قول من هي ميّ أو بينكم شيّ
وأنا خيالي فاتح لميّ سيرة
وهذي تقول الله يا ليتها فيّ
وأنا بقلبي يوم أشوف الصغيرة
أقول لا والله يا ليتها ميّ
تمرّ بعيوني كصورة أخيرة
تضمى لها هذي وتروى لها ذيّ
لا ابحرت من خدٍ خذاني حريره
للشفة اللي طعمها حالي شْويّ
والعين أثارتني وهي مستثيرة
عين الصقر من حولها محجر ظْبيّ
وإذا تهادت من سماها ضفيرة
عرفت ليه الليل في آخره ضيّ
وآقف بنظرات الضياع ومصيره
من جمرةٍ وشلون تحيى على ميّ
هذيك هي عطر القصيد وعبيره
في غيرها لا يا قصيد الهوى عيّ
تقطف زهر قلبي بضفة غديره
وتلقى لها شمسٍ وتلقى لها فيّ
وإذا خيالي يوم حسّ بهجيره
مرّت سحابتها وقال أطلبك ريّ
والشاعر اللي ما يخونه ضميره
يطوي لها من طي جلده كذا طيّ
إن عاش حسرة عاد وإن مات غيرة
الموت باللي مات فيها وهو حيّ

قصيدة بعيونك النجل يا قرة عيوني كلام
الشاعر: لفى الهفتاء لفى الهفتاء
#العصر الحديث
#المملكة العربية السعودية
0
70 مشاهدة

بعْيونك النجل يا قرّة عيوني كلام

يذوب لا جا شفايفك النديّة خجل

من فضفضة حزن والا شوق والا ملام

تكلّمي عاد لبى هالعيون النجل

فيها بداية عمر عاشق ومسك الختام

في مقلتيها حياة وفي حوَرها أجل

تكلّمي وانثري ورد الغرام الغرام

وخلّيني اتأملك واهيم بك وارتجل

وأقول يا اخت السحاب وبنت بدر التمام

يحق لك يوم دوّنتي نهاية رجل

اطلالتك صبح وانفاسك عبير وخزام

وصوتك لحون وسواليفك قصايد زجل

لا مال خصرك يميل الغصن عشق وهيام

ومن قبل هيّضتي الورقا برنة حجل

كنك ليا جيت اعانق فيك عالي مقام

ظبيٍ جفولٍ من ادنى حسّ صابه وَجل

الزين زين النبي يوسف عليه السلام

هديّةٍ من إله الكون عزّ وجل

لكن من الآخر وهذا اختصار الكلام

شعرٍ مهو فيك يا عمري مجرّد دجل

قصيدة هذا انت حيّ ومعْتبرْك مْتوفّي
الشاعر: لفى الهفتاء لفى الهفتاء
#العصر الحديث
#المملكة العربية السعودية
0
65 مشاهدة

هذا أنا ما بين حزني وخوفي

تشفّ ما دامك تحب التشفّي

حاولت أطوّف غلطةٍ ما تطوفي

لكن رمتني للسوي والمصفّي

ما تستحق ارض الصداقة.. قنوفي

لا صار ناتجها لنا ما يوفّي

عليك يا من فيك ضاع مْعروفي

عذرك بعيني مثل طرد المقفّي

شف صفحتك عيّت تعانق حروفي

وأصبحت لا ضدي ولا أنته بصفّي

يا حرّ جوفي منك يا حرّ جوفي

عدو في ثوب الصديق مْتخفّي

حتى ولو قلت الخطا من ظروفي

بقول لك روّح وهذي تكفّي

خل الثقيلة دون شرهة كتوفي

لا مات في وجهي عليك التحفّي

هذي هي أطلالك وهذا وقوفي

حتى عن مْصافحْك شيّمت كفّي

وأكبر دليل إنه سمح منك شوفي

هذا أنت حي ومْعتبرْك مْتوفّي

قصيدة لا طبعي ولا شخصيتي
الشاعر: لفى الهفتاء لفى الهفتاء
#العصر الحديث
#المملكة العربية السعودية
0
60 مشاهدة

يا حادي الركب التهامي فيك والله من حداي

لو كنت ما تقدر على وزني ولا قافيّتي

سرّيتني من دون ما ادري تارك احبابي وراي

هذا غمرني في عطاه وذا خذا حريّتي

ضايق وانا ما اضيق والله من خلاي وفي خلاي

شاللي رميته للعرب لين ادخلوا في نيّتي

لا جيت بضرب شدة ايامي بوقفات اخوياي

رجعت ليميني وهقوتها على عقليّتي

تقبل علي الكايدة واثبت لها والله معاي

يا لين ما تلعب على روس العرب جنيّتي

لا عوّدت للصدق قلت العلم ما يحتاج راي

ومن شال مني جرح لا يعتب على شبريّتي

رجلٍ ولي نفسٍ عزيزة دونها داي ودواي

ما اسخيت فيها يوم، في هزلي وفي جديّتي

احيان لي حاجة وابيها بس يمنعني حياي

واحيان ما ابيها تجيني والسبب نفسيّتي

وان قيل شفها عند هذا قلت ما هو مستواي

وان قيل عادي قلت لا طبعي ولا شخصيّتي

قصيدة إن الخليّ ينامُ لم يشكُ الجوى فصحى
الشاعر: لفى الهفتاء لفى الهفتاء
#العصر الحديث
#المملكة العربية السعودية
0
56 مشاهدة

إنَّ الخَلِيَّ ينامُ لمْ يشكُ الجَوَى

وأنا الشَجيُّ وما الشَجيُّ ينامُ

إنْ متّ قولوا يا رفاقُ لعَاذِلي:

قدْ ماتَ مِن حبّ الكرامِ كرامُ

قصيدة على النوايب يالعبودي
الشاعر: لفى الهفتاء لفى الهفتاء
#العصر الحديث
#المملكة العربية السعودية
0
51 مشاهدة

على النوايب يالعبودي لا اقبلت جعلك قوي

اقبل عليها واستعن بالله واثبت واحتزم

الوقت لو خلّا النوايا المستقيمة تلتوي

ابشر بمن لا قال لك بالطيب كلمة يلتزم

لا حان ميقاف الحميّا راسه الحيّ حْمُوي

ان سار في علمٍ ظفر وان ردّ له رايٍ حزم

لا تشغلك ناسٍ لها في ظلمة الديرة دوي

ذا طبعها من قبل عصر الأنبياء أولي العزم

وانت اعتبر ما قيل لو يحبطْك دعمٍ معنوي

وتشوف وشلون انتصر جنكيز وشلون انهزم

آخر طموح الإمّعة يلبس ثياب الفهلوي

والحرّ عن مثله يشوم ولا غضب مرّة جزم

من تحسب انه نجمٍ اصبر لين بكرة ويْهَوي

تمثيل دور العَملَقة ما غيّر بواقع قزم

حتى ولو لك قلب غاوي عارف ان عقلك سوي

يا شبل من يقلط على العليا طبيعة ويْعَزم

التجربة برهان وافضل درس درسٍ دنيوَي

البعض يستاهل قدر والبعض يبغى له خزم

من لا عرف وجه العدو ما يعجبه وجه الخوي

حتى لو انه مثل اخوه ودون ابن عمّه لزم

العام فوق الحزم دايم نسمع الذيب يْعَوي

واليوم مات الذيب لكن هو بقى عقبه حزم

اقولها والوقت سيفٍ من دمانا يرتوي

ولا نقص من عزمنا بالعكس زوّدنا عزم

قصيدة أنا ما يجدّد جرحي إلا حمامٍ خُلْج
الشاعر: لفى الهفتاء لفى الهفتاء
#العصر الحديث
#المملكة العربية السعودية
0
49 مشاهدة

أنا ما يجدّد جرحي الا حَمامٍ خُلْج

احسّه كذا ما يسجع الا على شاني

يذكرّني براع الثمان العُذاب الفلْج

لآلئ تجلّت بين نرجس وريحاني

وبانت ورود الفلّ فوق الخدود البلْج

وخشمٍ يشادي سلّة السيف شاماني

وله عين دعجاً مثل عين الغزال الحَلْج

وشعرٍ مثل ليل الدجى فوق الأمتاني

وله عنق منتوقٍ ونهدٍ غضيضٍ زلْج

وله خصر ملهوفٍ وله ردف روياني

سقا الله زمانٍ فيه جا مثل قالب ثلْج

ولا ذاب يوم اعانقه غير باحضاني

الشاعرة أمل العيسي




أمل يحيى العيسى شاعرة سعودية من الرياض بكالوريوس علوم و تربية تخصص رياضيات من كلية التربية للبنات بالرياض الأقسام العلمية أعمل معلمة رياضيات للمرحلة المتوسطة كانت أول محاولة شعرية بالصف الثالث ثانوي ثم واصلتها بدراساتي الجامعية و ما بعدها بدأت أتعلم و أستفيد من مشاركتي التواصل الاجتماعي واستفدت من نقد و توجيه الإخوة و الأخوات جزاهم الله خيراً