فوق هام السحب ( الشعر الشعبي) على متن القوافي

من يقطع الوصل عنك بلا سبب قلّه
‏لا يعتذر بالظروف ويعقد حجاجه

‏إن كان طول عليك بغيبته خلّه
‏الي خذته الظروف تجيبه الحاجه

....

‏ياشوقي لصوته وشوقي لسواليفه
‏شوق اليتيم اللي ملا قلبه الياس

‏يبكي النهار ويدعي الله يعينه
‏وينام ودمعه مادرو عنه الناس

....

‏القاك في درب القصايد والاشعار
والقـاك في كل المشاعـر أحـادي

مالك شريك بقلب حطك له اسوار
واشوف غيرك في عيوني جمادي

جتـني طواريـّك مـع الليل زوار
احسـّها كـل ما تصـيح وتنـادي

اعبـر بها يمـك على مـوج الافكار
خـيـال لكـنـّة بقـلـبـي وكــادي

....

‏حـي الله اللي عـليها الـكبد مـحتـره
اللي ذبـحـني غـلاهـا يـا حمد بـدري

تـلعب عـلى القلب والـشريان وتـفره
والـعقل سـلم لـها بـالغصب مايـدري

فـتـنة جـمـالـه غـريبـه حـيل بالمــره
والمشكله ياحمد صاب السهم صدري

....

‏انت وينك عن مساء الأشواق قلي
كيف عايش يا جميل الروح دوني

في غيابك يا حبيب الروح من لي
انت اجمل من ساكن داخل عيوني

....

‏واجب نمسيكم ونسئل عليكم
‏ياكل متفاعل وحاضر وغايب

‏بالخير يسعدكم وينعم مساكم
‏يامبدعين يا مرسلين المواهب

بقلمي

‏ابيك دنيا اعيشها طول الأزمان
وابيك شوقٍ كثر مابيه يبيني

أبيك حبٍ ماشعر فيه إنسان
وابيك عشقٍ بين قلبي وعيني

....

‏سرا الليل والقمرا سرا نورها وضّاح
تهيض خفوق اللي تعود على المسرى

وترجع به الذكرى على وقته اللي راح
والا واعذاب القلب لامّرت الذكرى

....

‏اللي طيوفه شاركتني الاماكن
‏احزن على ذكراه ويضيق بالي

‏ماني وحيد احبابي كثار لكن
‏لامن ذكرته لازم اجلس لحالي

....

البعد وحشة والمشاعر غريبه
يا مطول الغيبات غرك زمانك

تدري متى تندم على كل غيبه
لاشفت غيرك جالس في مكانك

....