فوق هام السحب ( الشعر الشعبي) على متن القوافي

الله يسامحك ضيعتني من يديك
‏قلت لك لا تخليني وخليتني

‏اعتبرني مثل الفرصه وراحت عليك
‏كم تمسكت فيك وكم هديتني

‏أيه كانت مشاعر خاطري ترتجيك
‏واكذب ان قلت في صدك ماهميتني

‏مت أدور ارضاك وصرت منك واليك
‏جيت لك الف مره بس رديتني

....

يوم قفا الوقت فيك ورحت كلك
‏مابقى لي من غيابك غير ذكرى

‏ادري إن الشوق من قلبي وصل لك
‏وادري انك تفتح حسابي وتقرا

....

امسيت في محادثتك اراقب مراسيلك
‏وأعد مثل الطفل من واحد لعشره

‏واسمع قديم الرسايل يوم انادي لك
‏سوالف بيننا ماهيب منتشره

‏سويت لك كل شي وش عاد اسوي لك
‏قدرت احبك ولكن ماقدرت اشره

‏انكر غلاي ومعاريفي وحبي لك
‏لكن انا طالبك لاتنكر العشره

....

‏وتبقى ثقة الإنسان بالله تعالى
‏هي مفتاح كل شيء
‏عندها يدرك الإنسان أن تيسير
‏جميع أموره من الله
‏فتملأ قلبه السكينة والطمأنينة
‏ويصبح مقبلا على
‏الحياة بعين الرضا

‏بقلمي

ليه أترك الحلم وأذرف من وراه الدموع
‏وأحلام الإنسان توخذ غصب ماتنعطى

‏تشكّلي يا ظروف الدهر من أيّ نوع
‏بـ اجـيك هادي ومـتوازن وواثق خطى

‏القلب ضد الكسر والراس ضد الخضوع
‏والمتن للشيل واليمنى لبذل العطىظ°

....

يازيـن ياللي شوفتك تسعد الـروح
دق الرقم وارسلت باسمك رساله

لاعند ذي قلبه من الحب مجروح
تكسب بها معروف قبل الجماله

باقات من ورد البساتين بيفوح
سعد اللذي باليد سلّم وناله

....

رسالتي لك....

علموا أولادكم أن الحب حلال
وأن الحب أخلاق
وأن الأنثى أمانة
وليست للإهانة
الأنثى كرامة
علموهم أن الأنثى وطن
والوطن لايخان

بقلمي....

الليل دون احباب عمرك ماهو ليل
‏لاصرت وحدك بين ضيق واغاني

‏مثل الشعور اللي بليا تفاصيل
‏اسمه شعور ولا يهز المحاني

....

ماكلّهم إحساس شاعر مُفوّه
نفسه تحده عالمكارم ومجبور

خلك معى أهل الوفا والمرؤءه
لاترتجي أهل الردى أرضهم بُور


....

‏الشّوق في عيني تشوفه يناديك
تحكي غلاه العين قبل الشّفاتي

أفهم ترى ماغيرك احدن يساويك
أنت الغلا وكلّ الغلا في حياتي

....