فوق هام السحب ( الشعر الشعبي) على متن القوافي

الله يزيل الضيق عن شـاكي الضيق
ويعوض الضـايق سـرور وسـعاده

ويحـقـق الأحــلام للنـاس تحقيـق
ويـزود الصـابـر صـمــود وجـلاده

....

‏صـــبرك على الدنيا ولا منّــة الناس
‏خـلِك سـماء ومن القدر لاتضايق

‏من طاح فالدنيا وهو رافع الراس
‏ما طاح قـدره من عيـــون الخلايق

....

‏بعض الظروف احيـان مثــل المنبّه
لاصرت غـافي عن رفيقك تصحيك

تكشـف لك الكــاذب وزيـف المحبّه
وتكشف لك الصادق اذا كـان يغليك

....

‏لاتشتكي للناس همٍ جرى فيك
ما للبشر في بعض الأحيان حاجه

ان جيتهم في هم زادوا بلاويك
وان جيتهم في فرح طفوا سراجه

اثبت على رأيك وخله يداويك
واصبرعلى همك لوكثرت أمواجه

ترى الهموم الي تغير مباديك
مثل السموم الي بوسط الزجاجه

....

لاتلتفـــت للنــاس وتقـــــول قالــوا
عليك فـــي نفسـك ولا تتــبع الناس

وان كان هم في غفلة الوقـت مالوا
خلك جبل واثبت على مبدأ وساس

....

‏يغنيك عن كــثر الحكي مجمل أبيات
‏ومن ياخذ المضمون يلقــى الأدله

‏لاضاقـت الدنيا وع الكيف ماجــات
‏اطلق حجاجك ثم توكل على الله

....

بعض العرب صندوق سره من حديد
مـا يكـشف الأسـرار لو تحـايلـه

وبعض العرب ودك تسمّـيه الـــبريد
ممتاز في ســرعة نـقل رسايـله

....

جتني تباشر بالمطر حي ذالعين
‏تقول الأجواء عندنا اللي تبيها

‏خشفاً عطت وجه السماء وجهها الزين
‏وجاها السحاب وقام يبكي عليها

‏فهد قطنان

في عينها اليمنى بداوه اصيله
‏في عينها اليسرى مراسم حضاره

‏فيها جمال البدو كله تشيله
‏وفيها دلع بنت الحضر والشطاره

....

أحلـى هديـه في حياتي وجودك
‏جتني من دروب الصدف بابتسامه

‏بالأمـس خايـف لاتعـدى حدودك
‏واليوم اسمك فـي خفوقي فخامه

....