فوق هام السحب ( الشعر الشعبي) على متن القوافي

لك الغلا مـكنون بالحب والشووق
وأحلى المشاعر في سموك تجدد

محبتك فاقت على كل مخلوق
أسال خفوقي كان وودك تأكد

عندي على زود الغلا اربع شهود
قلبي ودمعي والسهرر والقصايد

وانت اذا تقول الغلا حي موجود
عطني على حبك لي إثبات واحد

...

‏القلب قلبك مع عيوني والانفاس
كلي لاجل عينـك حـلالك حـلالك

مالي لزوم بقرب غيرك من الناس
يكفي وجـودك جـعل غيرك فدالك

....

‏من مبتدى صمتي لنقطة عبـــورك
استرسل الفكره معك وقتل الصمت

هب النسيم وجاب ريحة عطــــورك
شميت عطرٍ فــاح من يوم سلمـت

ما تدري إن النــور لا جيت نــــــورك
ولا تدري إني في غيــــابـك تألـمـت

....

‏من عيونٍ ترسل السهم المميت
من بروز الصدر والخصر النحيل

صابني سهم المحبه مادريت
والهوى قبلي حصدله كم قتيل

أشهدان الله بلاني وابتليت
في عنود الريم ضافيت الجديل

بنت شيخٍ له مقام وذيع صيت
من النجوم الي تلا لاهي سهيل

غيره من البيض اموت ولاهويت
من يرد العلم ويحوش الجميل

....

‏حـي الله اللي عـليها الـكبد مـحتـره
اللي ذبـحـني غـلاهـا يـاحمد بـدري

تـلعب عـلى القلب والـشريان وتـفره
والـعقل سـلم لـها بـالغصب مايـدري

فـتـنة جـمـالـه غـريبـه حـيل بالمــره
والمشكله ياحمد صاب السهم صدري

...

‏القاك في درب القصايد والاشعار
والقاك في كل المشاعر أحادي

مالك شريك بقلب حطك له اسوار
واشوف غيرك في عيوني جمادي

جتني طواريك مع الليل زوار
احسها كل ما تصيح وتنادي

اعبر بها يمك على موج الافكار
خيال لكنة بقلبي وكادي

....

يـ عشق ماله نهايه لو يموت الغرام
يـ وجه أحبّه ليا منّه ضحك أو كدر

يـ أغلى من الكل واقربهم غلا وأهتمام
يـ درب أحبّه ولا لي عن طريقه مفر

...

هذا المساء ما يشبه إلا مباديك
جدا جميل وطلتك به جميله

يسعد مساك ويسعد الله لياليك
عساك تسلم في مساء كل ليله

...

تغيب ياغايب وأنا دوم مشتاق
حرقت قلبي طالبك خاف ربك

ان كان في غيبتك تلميحه افراق
لاشفتني ميت ترى الذنب ذنبك

...

يامن علي روحي وقلبي تغليت
وقطعـت عـني يا الغـلأ إتصـالك

ما كان ودي ازعجك بس حبيت
أسـأل واطـمن كيـف صـار حـالك

فلا تفتكر إنـا من الشـوق حنيت
وإلا تفـكر جيـت طـالب وصالك

خُذ راحتك مع الذي أنت حبيت
وإلا سـؤالـي زاد فـي إنشـغالـك

...