فوق هام السحب ( الشعر الشعبي) على متن القوافي

يا الله يامن فــوق عرشـــك تعليت
يامــن تدبــــر كل زينـه وشينه

ادعيك تغفرلي خطايا اذا اخطيت
وتمسح ذنوبي كل ذنبٍ بحينه

بقلمي

يارب يلــي لك عبــدتك وصليت
عبــدك لجا لك يا إلهي تعينه

ترزقني الراحـــه علــى ماتمنيت
وتملا حياتي بالفرح والسكينه

بقلمي

لاتطلب الحاجات من فاقد الشي
كيف الذي ماعنده الشي يعطيه

بعض الشجر تاجد بها بارد الفي
وبعض الشجر ماله ظلال تغطيه

...

مثل الشمس تعطي لنا واهج الضي
ولاالنجم مابه شعاع ن يجديه

أسأل آله الكون يبعث لنا المي
ويسيل الوديان والكل يسقيه

بقلمي

عليك باللي يلحق القول بأفعال
ولا الردي خله وجنِّب مساره

أنشهد أنه ما كذب واحدٍ قال
من لايعدِك ربح عدّه خساره

...

تغرس بذور الغلا ويموت غارسها
والموت موت المشاعر ماهو الفرقى

عندي قناعه من الايام دارسها
الحب يبقى لو اهل الحب ماتبقى

...

ماني بفاضي للعتب والمشاريه
ماني بفاضي للزعل والحماقه

ماعاد ابي زايد كـلام وطـواريه
من دونها سكّـرت باب العلاقه

...

‏أرسل سلامي واحترامي والأشواق
للـي يبـادلنـي الـوفاء والمـوده

وعذبن من الإحساس ياتيه منساق
مرســول مـن وسـط الضماير لعنده

...

لاتعاتبني على قل اهتمامي
وانت ما اعطيت اهتمامي اي قيمه

اهتمامك ماروى خفاق ضامي
بخل والا هي أحاسيسك عقيمه

ليش وأنا فيك اشوف الحب سامي
وفي مرافي جفنك ابياتي مقيمه

التجاهل من تجاهك جرح دامي
يادواء نفس من افعالك سقيمه

انتهت من قسوة اسلوبك عظامي
والضلوع العوج صارت مستقيمه

...

الغلا رغم بعـــدك عن عيـــوني يزيد
‏تحت ظل الغياب ورغم كل الظروف

‏يوم كل تمنى شوفــــــة اللي يريـــد
‏يعلـــم الله غيــرك ما تمنيت أشوفه

...