فوق هام السحب ( الشعر الشعبي) على متن القوافي

‏اصـدق مشاعر قالها قلم شاعر
لاجمل حبيبــه فــي زمان المحبه

لاجلك اكـَن بداخلـي كم مشاعر
ولاجلك في اعماق المحاني اصبه

...

مو شرط لامنك تعلقت في شخص
تكون أسعد شخص في مجمل الوقت

ترى المحبه والفرح مالهم خص
أحيان جرحك يبتدي لاتعلقت

...

‏كيف ما تبغاني أتعب ولا أدوّر رضاك
‏وأنت مالك في عيوني وفي قلبي شريك

‏وإن تطرّقت القصايد ولا وفت غلاك
‏يكرم البيت المسكّت من البيت الركيك

‏أنت لو تطلب ماضمت ضلوعي قلت جاك
‏أسهج الضلع الموالي وأخذ ممّا يليك

...

‏يقول المبدع حمد ال جميله :
مرحبا في ذمتي بالرقم ذا اللي جاني
‏فاقده قدلي ثلاث شهور مادري عنه

‏الى ان وصل وختمها بـ :
مرحبا ياللي ملكت الروح لو مامداني
‏اتلاحق هاتفك والحق على اخر رنه

‏ليه أترك الحلم وأذرف من وراه الدموع
‏وأحلام الإنسان توخذ غصب ما تنعطى

‏تشكّلي يا ظروف الدهر ومن أيّ نوع
‏بـ أجيك هادي ومتوازن وواثق خطى

‏القلب ضد الكسر والراس ضد الخضوع
‏والمتن للشيل واليمنى لبذل العطا

‏جمال بندر

‏معك ربّيت المحبة على قد الطموح
‏والنصيب يحدها والجفى يوميلها

‏اثري الغيبه حقيقة وأنا احسبها مزوح
‏قامت الدنيا علينا وشدّت حيلها

‏ياحبيبي انشد الوقت والحظ الشحوح
‏من جدار البال صورتك كيف أشيلها

...

‏خاطري مملي كلام وغيبتك فيها غرابه
‏أزهر احساسي معك والورد يخشى من ذبوله

‏كم سؤالٍ ودّي اقوله وانا عارف جوابه
‏وكم جوابٍ ٍ ودي اعرفه ولا ودّي تقوله

...

مدري القصايد فيك وش ممكن تكون
لاصرت صفحه بالغلا مالـهــا طــي

ما أبيك تسأل كيف أنا أغليك وشلون
الحب كله فيك أنا أشــوفـه شــــوي

يكفي أشوفك كل شي بــهــالـكـــون
ويكفي أشوف الكون دونك ولا شــي

...

من كثر ما مروا على قلبّي كرام
‏وقفتهم بين الحقيقه والوهم
‏⠀
‏إلا أنت ياللي لك محطات أهتمام
‏أن لم تكن أنت المُهم أنت الأهم

...

اتعب على الطيب ترى رفقته عز
‏والاّ الردي مافاد نفسه يفيدك
‏
‏الصاحب اللي لا لمح جيّتك فز
‏هذا الذي لازم تعدّه عضيدك

...