فوق هام السحب ( الشعر الشعبي) على متن القوافي

سهيت لحظه وقمت ابحث بجوالي
اقرا الرسايل وامسح مابقى منها

لقيت ذكرى رساله والرقم غالي
مكتوب فيها اذا انا مت فامسحها

فكرت فيك ولقيتك عايش وسالي
وماظن ياصاحبي في يوم تذكرها

الموت عندي يساوي غيابك الحالي
والحين بستئذنك يازين وامسحها

....

‏نضحك وفـ الدنيا كثيرين يبكون
وإذا اضحكوا في يوم حنّا بكينا

أحوالـنـا في كـل ليلة لها لون
مـرّة لنا الـدّنيـا ومرّه عليـنا

....

‏ابتسم مهما قست فيك الظروف
من سحاب الكون ماضاق السما

كم كفيف قلبه الـمُبصر يشوف
وكم بصير قلبه الميت عما

....

‏يســعد مسائكم بالقصايـد والأبيات
واجمل حروف الشعر واجمل قوافي

والورد والنرجس من القلب باقات
مـن قلب صافي للقلوب الصـوافي

....

‏غشّوا بعضكم يكرمون العواريف
اللي على خطّر بعضها تحاما

الله ليا حط الضعافا مواليف
حط النشاما في طريق النشاما

....

أنا عرفت الناس ما أجهل الناس
حتى غدت نفسي من الناس حذره

ماهو لزوم اللي زرع يحصد إحساس
أحيان تزرع لكن الأرض قذره

....

‏بقا ذنب واحد من ذنوبي عجزت أنساه
بعد ماهداك الله ياقلبي على التوبه
ٰ
لك الشوق يا ذنبٍ تركته لوجه الله
عسى سيئات الشوق ماهي بمحسوبه

....

وأبوح للخيل الحنون بسري
وابث لها مما يخبئ صدري

قد تفهم الأنعام كلام عيوننا
والناس عن احساسنا لاتدري

....

‏إنَّ الصلاةَ على النبيِّ مُحمدٍ
يُشفى بها مَنْ لازَمَتْ شفَتيْهِ

كم طوَّقَ الهَمُّ المُبرِّحُ مُهجَتي
فَكُفيتُ همِّي بالصلاةِ عليهِ

صلو عليه
اللهم صل وسلم وبارك على نبينا محمد

̶اهجر بيوت الذل لو هي من ذهب
̶وأسكن بيوت العز لو هي خرابه

بقلمي