فوق هام السحب ( الشعر الشعبي) على متن القوافي

‏فيك فن وفيك بوح وفيك ذوق
وفيك كل اللي من الدنيا بغيت


كل مافيني عليك يموت شوق
والمشاعر والخفوق الي خذيت

....

‏وش اجاوب من سألني ليه أحبك
غاية النفس الكريمه في كرمها

لو حظوظي ماعطتني غير حبك
والله اني طول عمري لحترمها

....

جيتك غلا مايحملة اي مخلوق
‏لك الوفا ولك الشوق من غير منة

‏عليك قلبي يدفعة واهج الشوق
‏قلب عطاك الود ماخاب ظنه

....

‏لـيـت الامـانـي لا تمنيت تنـسـاق
‏يـالـيتهـا بالـحـب تـوفـي وتـبـقـى
‏
‏ليت الحبيب اللي له القلب يشتاق
‏يبقى على طول الزمن دون فرقى

....

الله يمسي كل الأحباب بالخير
ويسعد لياليهم ويسعد مساهم

وياالله يامعبود يا رازق الطير
ريح خواطرهم وزود هناهم

بقلمي

‏الشوق مايهدا على غير مشتاق
‏ياللي غلاك بداخل القلب باقي

‏ياطير ياللي بالجناحين خفاق
‏بلغ سلامي والوفاء واشتياقي

‏للي خذا مابين جوفي والأعماق
‏واللي ملك كل الشعور بالعماقي

....

لعيون من تعشق عيوني عيونه
كتبت شعري فيه والقلب مجبور

وانا حياتي مثل موتي بدونه
مثل الكفيف اللي يبي شوفة النور

....

غلاك في قلبي معتّق من سنين
مايوصفه كاتب وراوي وشاعر

توارد الافكار بين الملايين
ومن بيني وبينك توارد مشاعر

....

ايه انا اللي في محبّتك اكتفيت
والسعاده في وصالك تستمر

انت ماتدري بشعوري لاحكيت
كلمةٍ منّك تكفّيني عمر

....

يامن دعيت القلب والقلب لباك
ياجعل قلبك مايشوف الفجيعه

الروح ترخص لك والعين تفداك
أشرييك بالغالي وغيرك نبيعه

....