فوق هام السحب ( الشعر الشعبي) على متن القوافي

‏لاتوصيني ولا احتاج في حبك وصاه
‏لو ظروف الوقت دون وصلك حايله

‏الغلا لك والمحبه على كل اتجاه
‏لايهمك دام حبك بقلبي شايله

....

‏من عقب ماكانت الأيام تجمعنا
ماكنت متصور أنك تبتعد عني

شكراً على كل حاجه مالها معنى
وآسف على الأهتمام اللي بدر مني

....

‏أنا اشهد ان الذوق معروف راعيه
وانا اشهد ان الزين يغري حضوره

طاريك عندي كنه العطر لافاح
يابدر في كبد السماء شع نوره

....

‏اذا ارسَلَت تصيبنـي لهفه وشـوق
‏ويصير وجهي مكتسي بالبشاشه

‏واخش جو العشق واروق واتوق
‏حتى ولو هي حروف بوسط شاشه

....

‏كبريائي بالغلا ماهو تسلّي
‏ندرة الأشياء تغريني وابيها

‏ما أداني امتلاك الحاجه اللّي
‏كل واحد يقدر يحصّل عليها

....

‏نعيش بكرامه فالحياه وشموخ ملوك
‏لو الوقت قصر ماحسبنا لتقصيره
‏
‏عطتنا التجارب حسن سيره وحسن سلوك
‏وفي كل ميقافً مشرف لنا سيره

....

‏ماعاد فيني بقايا يانسيم الهبوب
‏الأيام ما عاد تسعد لذّة وصالها
‏
‏أعوذ بالله من موت الغلا فالقلوب
‏هذي هي الموتة اللي ماحسبنا لها

....

ماكل من غابوا عن العين ينسون
‏البعد مايرخص من الناس غالي

‏ولو إلتهينا احبابنا مايهونون
‏يبقى الغلا لو فرقتنا الليالي

بقلمي

‏ادري ان حبك خطيّه وانا عييت اتوب
‏سامح الله قلبي اللي تمادى ف الخطى
‏
‏انت وصلك ذنب واغليه من بين الذنوب
‏خصّ لامن جابك الشوق من عقب البطى

....

‏فاقده ياجعلني ما اذوق حزنه
‏والله اني فاقده حد الثماله
‏
‏اذكر انه لاجلس والناس وزنه
‏يختفون الناس واشوفه لحاله

....