فوق هام السحب ( الشعر الشعبي) على متن القوافي

‏ان قعدت تطاوع فلان وتطاوع فلان
‏ينقص المجهود والعزم والفرصة تفوت
‏
‏ارض نفسك واترك الناس يرضيها الزمان
‏العرب ماتمدح الشخص لين انه يموت

....

يهبّ فيني حنين بكل هبّة نسيم
والذكريات القديمه طارفٍ بابها

غشاني الشوق ياوجهٍ ف بالي مقيم
إشتقت لك والمشاعر حثّت ركابها

....

الهرجه اليا جتك من غير ميزان
‏أفضل طريقة ردها صد عنها

‏صدتك عنها تجرحه قدر الإمكان
‏وده يرجعها ويدفع ثمنها

....

رجل كلامه مثل ضرب الدبابيس
‏ ورجل كلامه مايجي فيه زله

‏ورجل لاجل ربعه يجيب النواميس
‏ ورجل يجيب الكارثه والمذله

....

‏رساله لي ولك....

هكذا هي الحياة
تحمل في طياتها
الكثير من الأقدار
حلم يتحقق
وحلم يتعثر
لقاء بلا موعد
وفراق بلا سبب
لا البدايات التي نتوقعها
ولا النهايات التي نريدها
وتستمر الحياة بحلوها ومرها

بقلمي

‏رسالتي لك....

لا تراقبني من بعيد
وانت تحترق شوقاً لحديثي
دع كبريائك جنباً واخبرني
كم اشتقت الي
واعدك
وساقول لك وانا ايضاً
كم اشتقت إليك
ثم
فكيف تكف الروح عن الروح
والروح في الروح تقيم
العين لاترى عيباً في روح أحبتها


بقلمي

‏ماكل بنت في المواقع رديه
بعض البنات فعولها توزن جبال

تلقى بها عفه وطبع اجوديه
واذا حكت ينصت لها الف رجال

....

‏هذي هي الدنيا متاهات وأحزان
‏كلن يدور راحته ما لقاها
‏
تبي لها صبر مع شوي نسيان
‏مع ضحكة تخفي دموعك وراها

....

آه ياضيم المواجع والسنين
ما ورا درب الهيام الا التعب

وآه ياقلبٍ سرا فيه الحنين
كيف غربني وأنا وسط العرب

....

يارب لو جيتك من الحزن شاكيك
ماغيرك انت ذي يفرج همومي

ماخاب من في ذا الحياه التجا فيك
مالي سواك انت وربعي وقومي

....