فوق هام السحب ( الشعر الشعبي) على متن القوافي

‏مملكة سحر الطبيعه والجمال
في عيوني انتي اجمل مملكه

تحتويني فا الغنج يام الدلال
وفالحنان اللي بداخلك املكه

....

حط عينك بعيني بس حتى دقيقة
بي تشوف ان حبك غير كل الخلايق

حط يدك بيدي واجل همي وضيقة
لمسة اليد منك تجعل البال رايق

لمني واحتويني شوف جراحي عميقة
ضمني وسط حضنك بس حتى دقايق

حط راسي بصدرك واكتشف للحقيقة
واكتشف ان حبك غير كل الحقايق

بيدك امسح براسي بس مسحة رقيقة
للتعب يمكن انسى ذا لقلبي مضايق

اعتقد كل هذا بي يطفي حريقة
واحدة لن حبك شب فيني حرايق

....

‏سلام ياملح الحبايب والأقراب
يامزين الدنيا وزايد حلاها

مثلك يهد الحيل فرقاه لا غاب
أما حضوره للضوايق شفاها

لبى الحياه اللي غرامك نمطها
أمشي على سطر الغلا وأكتبك حرف

وأغمض عيوني وأشوفك وسطها
آناظرك وأغض عن غيرك الطرف

....

‏سبحان من ريّض أشواقي على همسه
لين آخر الليل صار بساعتي بدري

سوالفه من حرير وضحكته ونسه
رقراق نهرٍ على طول السنه يجري

اللي تبي صبّحه بالخير او مسّه
هو كل الأوقات بس الناس ماتدري

....

شل قلبي معك يازين ارجوك شله
شل قلبي ونا بحط اسمك محله

وان قدك في حضور الزين ياقلب قله
صاحبي قال لي انك دوا كل عله

....

‏كفي بكفك للغلا تنقل احساس
وعيونك الخرسه تحاور عيوني

روحي وروحك والمشاعر والانفاس
صارت جسد واحد بكونك وكوني

....

‏ياكبر قدرك بعيني ولكن ماتشوف
الغلا اللي لك تجدد وفي قلبي ربا

الطواري كل يومٍ تجيبك والطيوف
والمشاعر في غيابك مراضى واتعبا

لو تاخذك الليالي وتاخذك الظروف
مانسيتك شاء من شا ويأبا من أبا

ولو مايبقى من الوصل شي الا الصدوف
مرحبا بالصدفه اللي تجيبك مرحبا

....

‏كل الحياه بحسك الغالي تزين
من عقلك الراقي لاخر جنونك


أنا الوحيد اللي يعيش بمسائين
وقت المساء ووقت شوفة عيونك

....

‏واحد من الناس يكفيني وراضي به
ماريد غيره ابيه اموت واحيابه

يامر وينهى ولبي له مطاليبه
تفداه روحي وقلبن تله انهابه

الزين والذوق هي جملة عذاريبه
وحلو النبا مع دلولن حيل جذابه

....