فوق هام السحب ( الشعر الشعبي) على متن القوافي

‏وسنّد على اللي في يده ملك الأملاك
‏اللــي ملــــوك الارض عنده مماليك

‏أليا عطى لو ضــــدك العالم أعطاك
‏واليا منع ما حــدٍ من الناس معطيك

....

‏اتجلّد والمشاريه في صدري ثقال
‏كل يوم أدفع ضريبة سماحة نيّتي

‏الخلا اللي كل ما أضيق ناداني تعال
‏يا كثر ما له جمايل على نفسيتي


....

يعجبني اللي فاهم ويفهم الناس
‏وليا سألته قال ما أوحيت ماشفت

‏تقول ماعنده مشاعر ولا إحساس
‏متغابي وساكت وهو يعرف الكفت


....

‏وش عاد لو طالت علي المشاوير
‏أوصل على شانك نجوم الثريّا

‏ماهم روحي شي مادامك بخير
‏اللي يهم الحين إنك هنيـّا

....

عطيتك احساسي وضحيت لرضاك
وحفظت حبك داخل الروح صنته

تعبتني واقول يالغالي افداك
لاجل الغرام اللي بقلبي دفنته

اخفيت نفسي لجل اكلمك والقاك
باسماء مستعاره لجل قلبن سجنته

....

‏ماحد يشق القلب من غير تفكير
‏حتى الأطباء ترتجف ثم تحتار

والحب شَق الجوف من دون تخدير
وبَناء قصور بداخل القلب وانهار

هذي حقيقة قلتها صدق تعبير
وأرسلتها في جهر فعلي والاسرار


....

رسالتي لك....

[ يابُني لاتقصص رؤياك على إخوتك
فيكيدوا لك كيدا ]
لاتذكُر النّعم أمام كلّ أحد
فليس كلّ مُستمعٍ لك محب
لاتكُن كتابًا مفتوحًا
مُتاحًا لمن حولك
وإن كانوا مُقربين
وإن كانوا أهلك
أخفِ بعض أسرارك
فرُبما لن يملك أحد قميص يوسف
ولن تملك أنت صبر وإيمان يعقوب

بقلمي

رساله لي ولك....

ماكُسِبَت القلوب بشيء
‏مثل الأخلاق الطيّبة
‏والبشاشة في المُحيّا
‏والحرارة في السلام
‏واللُطف في العبارة
تجد من يجمع تلك الصفات
محبوبًا أينما حَلّ
‏مفقودًا إذا غاب
ينشر الأُلفة والمودّة
أينما ارتحل
‏تُجلّه النفوس تقديرًا
‏وحُبًا واحترامًا

بقلمي

‏مساك وطيوفك قناديل وورود
ينثر عبق وردك نسايم زهورك

مساك مسك يفوح بروايح العود
عودٍ ممزوج مع خلاصة عطورك

....

‏هات قلبك بهمس بشوقي غزل
عش مع أنفاسي جنوني لو سمحت

عيش ثقلك عيش في جدك هزل
بس هاتك وراضي لو منك انجرحت

....