فوق هام السحب ( الشعر الشعبي) على متن القوافي

‏يالله بليل فيه رحمة وتوفيق
‏من عند ربٍ ما انقفل يوم بابه

‏ليل السعه مافيه همٍ ولا ضيق
‏فوق البشاير دعوّةٍ مستجابه

بقلمي

‏مدغم بو شيبه يقول :

‏ودّي إني في المجره وأسولف للنجوم
‏لا أتكلم مع هل الأرض ولا أسمع كلام

‏رح مراح اللي من كبار الخطايا معفي
‏لا تقول اخاف نظرات العرب وألسنها

‏انت حبك والله انه مثل نقطة ضعفي
‏حاجةٍ مهما حصل ماني مسولف عنها

....

‏تعال سولف علي بأسلوبك الساخر
‏خلّ الحزن ذاك تِضحكني تفاصيله

‏الليلة أن كان عندك للمطاف آخر
‏وصّلني آخر مطاف أحزانك الليلة

....

مصير الأيام تكشف لك كنين الصدور
‏كانك تشوف الوجيه وتجهل قلوبها

‏قلبك دليلك ليا اشتبهت عليك الأمور
‏لاتقرب اللي يجيك الشك من صوبها

....

‏يامقهوي قهوني جعل كيفك مايهان
‏ الصداع اللي عبث بالخلايا وقفه

‏صب لي فنجال قهوة بريح الزعفران
‏والقبس يلهب وصفر الدلال مطرفة

....

‏من جهل خافي ضميرك لاتلومه
‏كل رايق يحسب ان الكل رايق

‏حط نفسك موقفه تعذر علومه
‏آلبشر ماهي على صدرك توايق

....

ياما ورى بعض أبتسامات الوجيّه
‏
خواطر جار الزمَان وكسرها

بقلمي

‏لاشفت من يزعل بليّا خطا منك
‏حاول عن اسباب الزعل لاتقصّى

‏أمّا لقى نمّامٍ مسولفٍ عنك
‏والّا على ماقيل خبلٍ موصّى

....

كل ماشفت وجهك
ودي اكتب قصيده

‏انت وجهك بحور
ومفردات ومعاني

....