فوق هام السحب ( الشعر الشعبي) على متن القوافي

تدرون ويش أطيب من الجاه والمال
وأطيب من الشهَّـرة ومن محتـواهـا

لا صرت متعافـي وعنـدك سـَتر حال
والنـاس مـالـك حـاجـةٍ مـن وراهـا


....

تبي الكلام الصدق بيني وبينك
‏اسمع معي هالبيت مادمت وياك

‏من باع كل الناس من شان عينك
‏حطه بعينك واجعله نور دنياك

....

‏حي المساء اللي نشوفك تجي فيه
ياللي عليك الروح كل يـوم تـولـه


يالذ واجمل شي تطري طواريه
ياغاية المشتاق واللي يـقـولـه

....

اهدي له ورد من النبض ماجف
عطر الغلا منثور باقصى الحنايا

يطول عمر القلب والشوق ماخف
بعض الأوادم في حياتي هدايا

....

‏على سبيل الصمت يامكبر البوح
‏والعين تحكي بوح قد طال صمته

‏بعض الكلام يعانق الروح ويروح
‏وبعض الكلام يموت بك مانطقته

....

أبعتذر وإرسل مع الشوق عذري
ياللي مكانك بين عيني وقلبي

أنا مقصر والظروف اجبرتني
وأبيك تقبل إعتذاري وظرفي

والله ماني مهملك في حياتي
لكن حياتي كلها أتعبتني

....

‏عن كمية الالم في الفراق الاجباري

‏- يقول ضيدان بن قضعان
‏وجد من قفى وهو في رجا كلمة تعال
‏والتفت من عقب م قفا ولا حدٍ لد فيه

‏- ويقول راكان بن ملهي :
‏والله إن أقسى من البعد وأوقات الوداع
‏لحظةٍ يمشي بها الشخص وعيونه وراه

حلمت فيك البارحة تصافحني
‏سمعت صوتك يناديني ولبيته

‏فزيت مفزوع الا وينك وويني
‏واثاريك حلم على الواقع تمنيته

....

الزمن دوار والموقف وعد
‏وأكثر الأفعال داخلها إشتباه

‏الغريب يقول تبشـر بالسعد
‏والقريب يقول تشغلني الحياه

....

واحد ويسوى في عيوني ملاين
هو عالم احبابي وناسي وربعي

وان ماتغطى الجفن وتوسد العين
القاه بين اعروق قلبي وضلعي

....