فوق هام السحب ( الشعر الشعبي) على متن القوافي

القوم قامت تحوف الريف
كود الرسايل توصّل له

علمٍ وكادٍ بلا تحريف
ياناقلٍ علمك افطن له

جدعان مابه بلا ياخليف
ماكان حول البلا كلّه

مار السوالف سحابة صيف
تناقلت علمها الشلّه

مابه معزب ولا به ضيف
بالنار مافاحت الدلّه


ثامر الفاعوري

‏ياالله طلبتك وأنا مرتعش خافق الصوت
انت الكريم الغفور ورحيم بعباده

أعطني ثلاث الى دنت سكرة الموت
الصبر والقوه ونطق الشهاده

بقلمي

ياقلب لاتتعب من هموم الايام
خابرك ياقلبي تشيل الثقيله

ياما عطاك الوقت من همه اكوام
محدن درى عن همك اللي تشيله

....

من ذاق مر الصبر مل العناوين
تلقاه من صدات الاحباب خايف

ولو الجفى قدر دموع المحبين
ما راحت ايام المولع حسايف

....

أحس روحي لحقها قلّ جهد وفتور
‏من كثر ما أحترت في أحلامي وحيرتها

‏عودتها كل من يبعد بعيد معذور
‏وعمرتها بالتسامح لين دمرتها

‏أحيان أقول ليت الله خلقنا طيور
‏حتى أقدر أتلاحق الفرصة لاطيرتها

‏أو ياليت ربّ مكملني بقلبٍ صبور
‏أن كان نفسي من الأوهام حررتها

....

من ابجديات المسار الجهادي
تدريس فن المعركه والقياده

يستشهد القايد وتحيا المبادي
يقتل ويبقى حي بعد الشهاده

يعني القيادي فيه بعده قيادي
كم جهدها اسرائيل تغتال قاده

قام المنادي بعد يحيى ينادي
نمضي على نهجه وسيرة جهاده

الوضع في حاجة هجوم ارتدادي
فعل نظام الحذف والاستعاده

بقلمي

يوم خيرني الزمن فالناس سهلت إختياري
‏كنت أشوفك كل هالدنيا بعيني كل حزه

‏ماعشقتك نزوه وعذّبتك بطول إنتظاري
‏جيتك أسرع من جناح الطير لاعجّل مفزه

لاتوقفني على خفة شموخي وإنكساري
‏ولا تساومني على العزه مدام إن لي معزه

‏أعتذر لي عن جروحك مره ورد إعتباري
لاتدنس كل لحظه لي معك وأنت المنزه

....

جف صوت الحروف وشح فكر الكلام
‏وانعقد حبل فوقه عبرة جانيه

‏كل ماقلت هانت بذكر الله وانام
‏ناخ ركب الجروح اللي لفت عانيه

‏كل ليلة بصدري مؤتمر لسلام
‏وينقصف مايكمل بالفرح ثانيه

‏الطف الكذب قولة بأن حالي تمام
‏والمعارك بصدري طحن متفانيه

بين خابت ظنوني بين كثر الملام
ارجي الله جزانا ثمرة دانيه

كيف بقنع عزومي تستمر ل الامام
وانا حكمة حياتي فانيه فانيه

....

اذكرك ياقلبي قبل عده سنين
‏تعشق تفاصيل الحياة وصخبها

‏عايش بدون قيود وبدون روتين
‏تمشي ورا احلامك وتنسى تعبها

‏هاذا وتوك ما وصلت الثلاثين
‏موتت شغفك الغامضه وش سببها

....

‏ظروف الليالي تصنع من الرجال رجال
وتضعف ضعيف العزم لا مرّتـه مـرّه

ظروف الليالي صنفره والقسا لاطال
يبين لك المقـدام واللـي علـى الجـرّه

ويظِهر لك الرجلي ويظِهر لك الخيّال
ويظهِـر لك الحلوه ويظهِر لك المـرّه

ويظِهر رجالٍ كان ماهم بلك فالبال
ويصغِر رجالٍ فيهم الناس مغتـرّه

مشعل