فوق هام السحب ( الشعر الشعبي) على متن القوافي

بنت الرجال اللي كساها الحيا ثوب
تمشي على نهج الشريعة والايمان

مصيونةً بالدين من كل عذروب
مثل الجواهر ماتقدر بالاثمان

....

ابوي رباني على مكسب الطيب
ومن قبلها جدي على الطيب رباه

نقصر عن دروب الردى والعذاريب
والطيب نلحق صاحبه ونتعداه

بقلمي

لعيونك اكتب حرف وأصدّ عن حرف
‏من خوف لا تجرح حروفي شعورك

‏ما فيه احد يسواك يا ناعس الطّرف
‏ولا فيه احد عندي يساوي حضورك

....

#مساء__الخيرِ

نمشي على النيات مانحمل الكيد
ونفوسنا من فضل ربي سليمه

ناخذ ونعطي دون نقصٍ وتحديد
عوايد نـ طـول اللـيالي مقيـمـه

....

‏مالي مزاج ومعجبتني الصده
‏وسكرت عن كـل الكلام آذاني

‏مانيب مع هـذا ولاني ضـده
‏أنا معا نفسي ويامحلاني

....

‏لاتشتري ميزان توزن به الناس
‏ الناس ما ميزانها الا الشدايد

‏عند الشدايد كل مخلوق ينقاس
‏ وترجح الكفات لأهل العوايد

....

لاتسألوني عن سبب دمعة العين
والله مدري دمعتي وش سببها

يجوز تبكي من بعد ناس غالين
ويجوز تبكي حين ساعة غضبها

دنيا غريبه ماعرفنا لها زين
محدن على طيبه بيومن كسبـها

....

‏لاشفت أحد طاح لاترمي سكاكينك
الوقت دوّار لاتشمت ولا تضحك

بكرة إذا طحت والدمعة ملت عينك
بتشوف منهو يجي يضحك على جرحك

....

‏فـي ذمتي صمتي يوصف غلاتك
لولا الغلا والحب ما صرت ساكت

ولو اختفـى زولي وغبـت بحياتك
يكفي عروق القلب بـ إسمك تحاكت

....

‏ياكــثر ماقلنا علـى الجـرح لا باس
والوقت يكـرب مـن شـقانا حـزامه

طابت خواطرنا من الوقت والناس
ما عـاد نبغـى الا السـتر والسـلامه

....