فوق هام السحب ( الشعر الشعبي) على متن القوافي

‏ياعايش الدنيا ترى الحظ مقسوم
مثل الهبوب اللي بلا دار وديار

نجري ورى الدنيا مع الليل واليوم
وياما وطت الأقدام عجلات الأقدار

....

‏واعلم بأن العمر ينقص مايزود
‏واللي يفوتك منْه صعْب ترجّعه

‏ولا تنْظر لماضيك لأنّه مايعود
‏فكر بحاضِرك الجديد وسنّعه

‏وأبذل عشان أحلامك أضعاف الجهود
‏وباب الأمل بين المَحَاني شَرّعه

‏سعد بن جدلان⁩ الله يرحمه

والله انّه ماعلى قلبي ملامه
‏لانوى عنّك عقب حبّك يفارق

‏وانت لك يومٍ تعذبك الندامه
‏لافقدت اللي بعشقك كان غارق

....

‏يا أهل المحبه نور عيني علامه
ماشفته يغرد من الشعر وش فيه

أنا ليا شفت القصيده وكلامه
يرتاح بالي والتهي في معانيه

....

‏محدن يمشينا على رغبته غصب
‏ولا نزعل على غيرنا بليا سبايب
‏
وثنتين فالدنيا ترى مالها طب
خيانة الصحبه وظلم القرايب

....

لو الرسالة تقتل ابعاد وفراق
لأرسلت لك في كل لحظة عبارة

حبك جريمة والجزا سجن الأشواق
سجني مؤبد بس صوتك زيارة

لكن لي قلب للأحباب تواق
لو غاب محبوبه بقى في انتظار

....

اقفيت عني والتناهيت تختال
واعلنت لسيوف المفارق خضوعي

طعنتني وادميت قلبي ولا زال
خنجر فراقك ناشبٍ في ضلوعي

يالحب لوعة فراقك عذبت روحي
وشلون ترحل وانا من قلبي احبك

تعال عيد الغرام وعالج جروحي
قلبي تعود عليك وهام في قربك

....

إن قلت لك أقدر على البعد كذّابه
الموت هو فرقاك الله يجيرك

مهره

في برد الشتاء ماتدفينا الجواكيت
البرد قارس والاجسام حساسه

لاشبه النار تنفع ولا عود الكباريت
ماينفع الا حضن الوليف ورمساسه

....

ياصاحبي صاحبك مايعرف البوح
صعبه يسولف لك عن آخر جروحه

صاحبك يضحك لو غدى كله جروح
وإليا تضايق شال ضيقه بروحه

....