فوق هام السحب ( الشعر الشعبي) على متن القوافي

الصاحب اللي علومه كلها ذربه
‏ماهوب من قوم قبل أنفعك تنفعني
‏
‏أطرب على شوفته وأشفق على قربه
‏وأطريه بالخير لو ماكان يسمعني


....

يقـولـون متغير وانا ماتغيرت
من جيت للدنيا وهـذا مسيري

من عادتي لاضقت والا تحيرت
أصد وأكفي الناس شري وخيري


....

نفوسنا الطيبه ماتترك الطيبه
نبغى نخالف هواها غير تمنعنا

الله خلقنا كذا في خير تركيبه
على تطباعنا تطغى طبايعنا

اثاري الطيبه اللي مالها هيبه
تروح ف الناس لاقيمه ولامعنى

....

‏قالوا علامك ب البداوه تولعت
قلت البداوه اكسجين لـ حيآتي

البر احبه حب مخلص ولا بعت
حبه وشوف الذود عندي غناتي


....

التعمّق بعض الاحيان مامنْه ثمره
‏خلك السطحي لو انك تعيش بلا شعور

‏تضعف الجوده لاسوّيت زوم الكيمره
‏وانت قسها في حياتك على كل الامور

....

انا حسبت الارض بالطول والعرض
‏الين اكتشفت ان المسافه خديعه

‏لو الوسيعه اسم يطلق على الارض
‏انا من عيونك عرفت الوسيعه

....

ماني رديه نفس ياولد الاجواد
امك وابوك اجواد ولا انت غادي

دور على مثلك مفاليس وزهاد
واترك نفيس الناس لا صرت صادي

ماني من الي تشفق لساقط الزاد
ولاني من اللي تلتفت للمنادي

مليانه عيوني مطاليق واسياد
مابه محل لبايعين المبادي

....

ماعاد يرضيني وِفاء ولا يزعّلني جِفا
‏متساويٍ في خاطري ظلم العرب وانصافها

‏ولا تاقف الدنيا على شمع الغرام اللي طفى
‏ بعض الشموع أنا أتعمد كسرها واتلافها

....

كم حي مايسوى وجوده ولاشي
يضيق صدر الارض من ثقل دمه

وكم ميتٍ يسوى وجوده مية حي
ميت ويخدم صيته عيال عمه

....

لي صاحبٍ جعل يفدا مواطيه العذول
الله اللي حط حبه فـ قلبي وفرضه

كل فجر ومغرب ارفع يدي لله واقول
جعلني ما اذوق حزنه ولا ذوق مرضه


....