فوق هام السحب ( الشعر الشعبي) على متن القوافي

‏ليِت الأماني كل ماجّت على البال
يضحك لها الحظ الجميل وتحقق

....

طبع الوفاء في بعض الاصحاب ماغاب
والبعض متغير ومعلن غيابه

الله يالدنيا من بعض الاصحاب
كيف اصبحوا حتى برد الاجابه

البعض متكبر والبعض كذاب
والبعض حُب النفس يعمي صوابه

والبعض متغير ولا عـنده أسباب
كنه اذا لاقاك زاد اكتئابه

والبعض عـن ذكر الوفاء عامل اضراب
كن الوفاء ظالم مقرر عقابه

والبعض له لسان حالي وجذاب
شغًّال في وجهي وفي الخلف نابه

والبعض كم ياجمايل مالها عد وحساب
لاكن جمايل صادفت في ذبابه

والبعض كم كنت احسبه اخ وثاب
لاكن مع الايام غير خطابه

والبعض كم يارسايل بفسوك وتساب
ويوم ما احتجته تغلق حسابه

والبعض لا زالو معي عز الاصحاب
اخوه ولا ناديت وقفة ذيابه

افخر بهم من منهم خاطري طاب
وقدرهم عندي يفوق الكتابه

من بين الفين شفتهم خمسه اصحاب
ما اتغرو يوم العنى والشقابه

....

‏ليِت الأماني كل ماجّت على البال
يضحك لها الحظ الجميل وتحقق

....

كنت احاول ابتسم رغم الظرُوف
ومرّت أيامي ودمعي ماسقط

مابكيت إلا على بعض الحرُوف
وما ضحكت إلا على نفسي فقط

بقلمي

وين أنت يامسعد مسائي بطلتك
تعال أنا توي من النوم صاحي

بروي عيوني منك وأفرح بشوفتك
يسعد مسائك يامحلي مسائي

....

‏وين ابلقاك ياشهد الحروف
لين يرضى علي عذب اللما

جيت للشعر واتعبني الوقوف
عند بابه وبي جوع وظما

ماذبح لي مصابيح وطيوف
ولا سقاني الكواكب في السما

ان سألني حبيبي والكفوف
تضرب الغيم والاشعار ما

عن قصيدي تذكرت الظروف
وقلت شعري نسيته انما

ليتني قبل اشوفك ما اشوف
وليت قلبي قبل حبّك عمى

....

‏والله لو تدري بقلبي وش اغليك
ان تحلف ان دم الشرايين دمك

تصدق اني وين ما اروح الاقيك
طيفك عطر من وين ما اروح اشمك

....

طحت من عيني على كفي وشلتك
التمست العذر يوم اذكر غلاتك

من عرفتك قلت لو تخطي عذرتك
لو طلبت الروح قلت الروح جاتك

....

‏الله يجيب اللي تصب الوبل وتعم البلاد
‏دهم المزون اللي تفرا بالقراح جيوبها

‏وسميةً ترخي همايلها على وجه الحماد
‏مثل هميل اللي تنكس بالحياض غروبها

....

والله ان حبك مع الوقت ماينقص يزيد
في غيابك لك محبه ولك شوق ونيين

وفي حضورك شف عيوني كلامي ما يفيد
اقهر الضيقه بذكراك من حين لحين

وانثر دموعي على وصلك من عيد لعيد
افتضحت من الهواجيس بك فالمسلمين

كل من سولف عليه اقل له ويش قلت
عيد الهوى سجن العشاشيق وانا لك سجين

وودي ان سجني مؤبد ولي حارس وبيت
عزتي لك من فراقك عسى ربي يعيين

....