فوق هام السحب ( الشعر الشعبي) على متن القوافي

‏أقسى من الدمع صوتٍ تقتله ونّه
‏والونّه اللي تجي من شوق غلّابه

‏لإنسان من كثر ماتغليه وتحنّه
‏تختار فرقاه وأنت تضيع في غيابه

.....

‏لاضاقت الدنيا قل الحمدلله
‏حتى ولو إنك من الوقت هايم
‏
‏ماخاب منهـو يحسن الظن بالله
‏وما ضاق صدرن يذكر الله دايم

.....

‏بعض العرب طبعه صراحه يحيّر
‏ليا تركته جاك وإن جيت خلّآك
‏
‏وبعض العرب مثل الذهب ماتغيّر
‏مادام له عندك قدر صعب ينساك

.....

‏الحياة أصل المشقات والدنيا ممر
‏تعطي الأنسان ليله وليله تحرمه

‏لو تعيش بدون ماتذوقك دنياك مر
‏وقتها بيمرك الحلو ماتستطعمه

.....

‏ياحظ من يدعي له الناس بالخير
‏كاسب قلوب الناس من فعل طيبه
‏
‏في كل قلبٍ له معزة وتقدير
‏وطاريه عند الناس كلن يجيبه

.....

‏لقيته بعد ماطوّل الصد والغيبه
‏ولقيت الجمال اللي مابعده ولا قبله
‏
‏هذا والله اللي مثل ماقال ابو شيبه
‏تجيه العرب صاحين وتروح منهبله

.....

‏الثقه بالنفس عمله نادره
‏والتواضع مايقلل لك مقام

‏من يمد الطيب طيبه بادره
‏واحترم منهو لفالك بأحترام

.....

‏اشتقت لك وأنا من الوصل مقطوع
‏رفّت عليك العين والاذن صاحت
‏
‏ياقربها لكن مثل حبة الكوع
‏الدمعه اللي لو تراخيت طاحت

.....

‏إعتقيني من مشاريه الغلا وأعفيني
‏الزعل ماهو يجيبه غير ليت وياما

‏أنتي أغلى من عرف قلبي وشافت عيني
‏وأنتي إجمل من لفتني به ليالي عاما

.....

‏نشري الذي بالطيب قلبه شرانا
‏غالي ومقداره علي الراس والعين

‏ولا نصاحب صاحبن مابغانا
‏حنا بعز وعن جنابه غنيين

.....