فوق هام السحب ( الشعر الشعبي) على متن القوافي

‏لاتحطك غيرتك بين نار وبين غار
‏سو مثلي قدّر الحب والا عبره

‏كان قصدك تختبرني فلا ذا باختبار
‏انتبه من كسر شيٍ ماعاد تجبره

.....

تبغى الصراحه انتهى وقت العتاب
‏ولا بقت لجروحنا رغبة دوا

‏حنا ترى صرنا على مفرق غياب
‏ياتبتدي بالهجر او ببدا انا

‏الى متى نصبر على كذب السراب
‏اذا العطش مايرتوي ليه الضما

.....

‏تدري متى يعجز لساني عن الشرْح
وأشعر بجسمي ماتشيله عظامي

إذا جرحْت اللي مايستاهل الجرْح
في حينها يذبح سكوتي كلامي

.....

‏يستاهل الحب من ضم الغلا جوفه
‏مدهاله القلب يتمشى به لحاله

‏يستاهل الورد من عطر به كفوفه
‏والي عطا الحب وسط العين منعزله

.....

‏القلب واحد والمخاليق عدّه
‏ولا هزّ قلبي بالهوا غير واحد

‏أنت الوحيد اللي خفوقي تشدّه
‏وغيرك أجامل حضرته لاتواجد

.....

‏ماني بمجبور أتعايش بوجهين
‏وجهي وحيد وجايزٍ لي مصبِّه

‏اللي مايملا العين مايسكن العين
‏واللي أحبّه يدري إني أحبّه

.....

‏ياصاحبي لو تسمع هروج عني
‏من ناس قالوا كلمةٍ مالها ساس

‏حاول تعاملني بما شفت مني
‏ماهو تعاملني بما قالوا الناس

.....

بعض البشر لاشاف نعمة حسدها
‏حاسد ويحسد فالسماء حايم الطير

‏وبعض البشر لاشاف نعمة حمدها
‏من طيب قلبه وده الناس في خير

.....

‏صدري بحر تلطم به أمواج بأمواج
‏يبطي خبير الغوص ماجاب قاعه

‏أدفن همومي به طوابير وأفواج
‏وأنسى المواجع كلها بظرف ساعه

.....

‏حاولت اعديها مع الصدر الوسيع
‏وارسم على وجه الزعل وجه الرضا

‏لكن بعض احيان قلبي مايطيع
‏بعض الخطا يضيق به وسع الفضا

.....