فوق هام السحب ( الشعر الشعبي) على متن القوافي

الناس والأيام تحتاج وجهين
وانا معي واحد ويبغى السلامه

.....

‏انعزل عن زحمة الناس والهرج الكثير
‏السعاده بعض الاحيان فنجال اقهوه
‏⁧
.....

‏لي صاحبٍ في تالي الوقت خيّب
وقام يتعمّد بالردى ويتحدى

وصار البعيد اللي من أول قريّب
من بعد ماكان الرفيق المبدى

كنت أفقده لو راح عني وغيّب
وكان الرفيق اللي له القدر جدا

ماني بقايل صاحبي كان طيّب
لو كان طيّب صاحبي ماتردى

.....

من لاحفظ حق المخوه والقسم
لايجمعك وياه في الدنياء طريق

.....

‏عشقي بعينك عشق فارس لخيله
‏عشق الفرس لاقادها هز خيال

‏فارس يترجم قصد معنى صهيله
‏والخيل تفهم كل ماهو على البال

.....

أعترض لي الحظ وانا من الواقع رضيت
داري انها ماتجيبك لعَل ويا عسى

انت ياللي تحسب إني نسيتك وانتهيت
عاد زولك في عييُوني وقلبي مانسى
⠀
.....

‏انا فارس الكلمه وانا فارس الميدان
طويل الذراع ويرجح الفعل ميزاني

كعام العداء في ساعة الحرب والعدوان
اخضب كفوف الارض بالسيف شاماني

.....

‏في رجا الله كل ماقام الصباح يسوق نوره
‏رحمة تطوي خيوط الظلمه اللي في فوادي
‏
‏كل ما اعانق هواه العذب وتغني طيوره
‏اتباشر يوم تعتقني يدينه من سهادي

.....

دايم اول تجربه لها مشاعر ماتكرر
احتفظ فيها كذكرى واحذر من آثارها

لاتفتّش عن شعور الدهشه الاولى تذكّر
تفقد الحاجات قيمتها مع استمرارها

الاماكن والتجارب والصدف واشياء أكثر
مايجرّدها من المتعه سوى تكرارها

.....

‏احلى لقى لاصار من دون ميعاد
‏صدفه كذا مثل السماء يوم ترعد

‏رشة مطر ودك بها دوم تنعاد
‏احيّت جفاف الأرض من دون موعد

.....