فوق هام السحب ( الشعر الشعبي) على متن القوافي

يازين الخيال اللي بلا موعد ومرسول
لاصوّر لي اللي ماتصّوره كامرتي

يمرون مثل الحلم فالذاكرة وأقول
عسى الله يخلي لي خيالي وذاكرتي

.....

ويا الله ياربي تسهّل لما نحتاج
ياوأحدن فوق السموات متعلي

يامن بسطت الأرض والبحر بالأمواج
وكل الخلايق تذكرك دوم وتصلي

.....

لي صاحب ماكنه إلا البنادول
دايم يهديني ليا صرت ضايق

من يوم اسولف معه اروق على طول
انسى زعل شهرين في اربع دقايق


.....

‏لاحدّرت دمعه ولا ناح نايح
ماني بمتضايق ولاني بمجروح

من جيت وادري بك مع الوقت رايح
حتى العمر واهو العمر وقت ويروح

.....

يامرحبا ماهل وبل المخاييل
ترحيبةٍ فيها شموخ ومهابه

على الدلال اللي زعج بنها الهيل
والعود الازرق والكرم والرحابه

باللي لفونا من جميع المشاكيل
ضيوفنا واصحابنا والقرابه

بقلمي

ان جيت خل الكل يفرح بلقياك
محبوب عند الناس ويقدرونك

وفي غيبتك خل الجميع يتحراك
مثل المطر كل البشر يحترونك

.....

النعومة و الدلع و الهيكل المتناسق
والكحل والمسكرة والخد ابو غمازه

تلعب بقلب المطوع قبل قلب الفاسق
تحيي فؤاد الرجل لو هو على عكازه

.....

تعجبني اللي في الشعر ذوقها ذوق
ماھو بحي الله قصيد يعجبها

دايم نظرھا وإختياراتها فوق
تعرض مفاتن ذوقها في أدبها

.....

‏هواجيس قلبي بالدقيقه تجيها اسراب
وانا مابكيت الماضي إلا من هبالي

وش الفايدة ياعين حكم القدر غصاب
حياة ابن ادم هكذا شمس وظلالي

.....

ياويل الخفوق اللي من البيض ماهود
ليا سج منهم مر فالدرب رعبوب

هدبها من الحجه الى الخد ومزود
من البندق اللي ثارت برأس مشذوبة

تلون وهي لابيض الله ولا سود
وتشكل تقول انها على اللبّس مسكوبه

تزم المعنق والخصر كنه مجود
ولا تحته الا طوبة جنبها طوبه

.....