فوق هام السحب ( الشعر الشعبي) على متن القوافي

‏اعشقيني رجل في عزّته ساكن
‏واجهري بي عشق يابنت الحلال

‏اعشقيني ماني بطمّاع لكن
‏خايف تروحين لشباه الرجال

.....

‏حبيبتي مثل القمر تملي العين
‏وأبعد علي من القمر في طلوعه

‏كانت توصيني على الوصل والحين
‏قامت تغلا لين صارت قطوعه

.....

انا احبك ولا لي في المحبّه راي
اعرف اني ابيك اقرب من ظلالِي

ابيك لغُربتي ديره وابي مسراي
يطول اللي مشيته مَعك يحلالي

سراب العمر توّه معاك خطاي
ولا فكرت في حلّي وترحالي

.....

لاصرت مؤمن بالعسر والتياسير
وعينك بعين الله مايكسرونك

.....

‏الكامل الله والخطا طبع الانسان
‏والدرب يفرق عن يساره ويمينه

‏والصاحب اللي له معزه وله شان
‏ان جاني بشينه تذكرت زينه

.....

‏من جهل خافي ضميرك لاتلومه
‏كل رايق يحسب ان الكل رايق

‏حط نفسك موقفه تعذر علومه
‏البشر ماهي على صدرك توايق

.....

‏القبول أوّل عناوين المودّه
‏واحترام الذات من طيب العقول

‏شخص تحترمه من إسلوبه ورده
‏وشخص ماله لا احترام ولا قبول

.....

إنسان ليت إنك عرفته من إسنين
وإنسان ليت إنك أبد ما عرفته

وإنسان مايسقط خياله من العين
وإنسان ماكنك مع الوقت شفته

.....

‏خذ ياسحاب الشوق من قلبي الشوق
وارحل جعل مسعاك درب السلامة

صوب الذي له شان ومكانته فوق
وسط الضلوع العوج ساكن غرامه

قله قسم قلبي من الشوق محروق
والنار تنهش في الخفوق إلتهامه

والجسم كامل صابه الياس والعوق
والقلب ينزف داخلي من سقامه

.....

احنا على العهد ياذي تسألوا عنا
كفوفنا للإخا وللعز ممدوده

يتغير الوقت واحنن ماتغيرنا
الاسم هو الاسم والجوده هي الجوده

.....