فوق هام السحب ( الشعر الشعبي) على متن القوافي

‏ياصاحبي مادام للحب موضوع
احفظ وبكره حصة الدرس تسميع

انا غلاي اصلي من الحب مصنوع
ماهو من اسواق المحبين تجميع

.....

‏علمي به العام يومٍ جوّنا صافي
قبل يجي جونا ناسٍ يحوسونه

‏يا اهل السواليف مدري عن سوالفكم
فيني من الضيق شيٍ ماتحسّونه

.....

‏ياوردةٍ ماعاشت الا في دلال
‏يغار منها الورد في روضة خريم

‏خليتي الترفات ربات الجمال
‏حياتهن حسره وعيشتهن جحيم

‏هذا الصحيح ولا نقاش ولا جدال
‏ يدري به العاقل ويجهله الغشيم

‏ابوك شال الطيب عن كل الرجال
‏وانتي خذيتي الحسن عن كل الحريم

.....

مافيه داعي للزعل والانفعال
‏ومجادل الجاهل وكثر اللجلجه

‏خلك على ماقيل شيال الثقال
‏واللي يبي يزعجك صمتك يزعجه

.....

سلام الله لمن يقرأ سلامي
ويسلم من يبادلني سلامه

سلامي يرتوي به كل ضامي
وفي الوجدان تبقى له علامه

ويشفي من بقلبه جرح دامي
ويزرع في الوجوه الابتسامه

مني لكم مع التحية

انتي بوجهي من الدنيا لايلحقك خوف
‏مصيرها تضحك الدنيا لنا لو تضيق
‏
‏مادامني حي حطيني بوجه الظروف
‏انا الابو والاخو وانا الولد والصديق

.....

كانت افكاري تحب احلامي الورديه
‏وتالي اكثر لون افكر فيه لون الشاهي

‏كل شي ابيه واجد صرت ابيه شويّه
‏النزول بسقف رغباتي جعلني راهي

.....

جيت مثل السحابة يا اللطيف الجميل
في شفاهك بروق وفي كلامك رعد

بين قدّ ٍ ليان وبين طرف ٍ كحيل
مالوجهك مسمّى غير وجه السعد

.....

على كل ماقد فات جعل العوض بعدين
‏يسوق الله الغيث اللي يعدل أوضاعي

‏هذي عادة الأيام وأنا أعرفها زين
‏ماتحلا لي إلا عقب ماتغسل شراعي

.....

أحب الرفيق اللي تجي رفقته بإنصاح
‏اللي عن غلاي وزود قدري يصارحني

‏نصوح صريح محزم ينذخر وسلاح
‏الى طبت يفرح لي والا اخطيت ينصحني

.....