فوق هام السحب ( الشعر الشعبي) على متن القوافي

احلى الكلام اللي تقوله ورى الناس
‏الله يوفقهم ويستر عليهم

بقلمي

‌‏قلبك الي دوّر لقلبي بديل
ضيّع القبله وهو وسط الحرم

.....

زعلّني الوقت والظاهر نسيت ارضا
‏مدري الصبر غلطتي ولاّ الوفا عيبي
‏
‏محتاج قلبٍ يطلّعني من الفوضى
‏يشعل بصيص الامل ويعيد ترتيبي

.....

‏إن كنت لك حلم يالله قوم حققني
‏حِث الخِطا في سبيل أحلامك وثابر
‏
‏وإن كنت عادي وعابر لاتعلقنّي
‏أنا أكبر مْن الغرام العادي العابر

.....

‏سلامتك جعل أكثر الخلق تفداك
‏حتى عيونى جعلها فدوةٍ لك

‏ليت الوجع ياغاية الروح ماجاك
‏ليت التعب لامن بغى ما يدلك

.....

‏قلوب البشر ياصاحبي لها مفاتيح
وكل قلب مفتاحه بوصف وعلامه

واذا تريد مفتاح من غير تصريح
افتح قلوب الناس بالإبتسامه

.....

‏ياهل التواصل يارقيقين الاطباع
ياكل غالي له محبه وقيمه

حبيت اهديكم تحيه بالإجماع
وارسل سلامي للقلوب الحميمه

سلام ياساس الاناقه والابداع
سلام من قلبي وداخل صميمه

يامن غلاكم في خفوقي والاضلاع
وغلاتكم بالقلب عندي عظيمه

مني لكم مع التحية

‏يارب تجمع كل غالي بغاليه
واجعل لهم من كل شر سلامة

واجعل لنا من منزل الطيب عاليه
وأحفظ عبيدك من دروب الندامه

.....

ليه المسا يزيد في وجهه الشوق
ويكشف شعور اللي للاحباب مشتاق

في جيته سهم الوله يرتفع فوق
يموت دونه شوق وتحيا به اشواق

.....

طالت ليالي البعد والقلب مشتاق
مدري متى بلقاك واشفي جروحي

اي والله ان القلب للوصل تواق
واني بدونك يسكن الهم روحي

انت الذي لاضقت في دربك انساق
وإن ضاق كوني ليك اعلن نزوحي

تعال يامولى المحاسن والاخلااق
ياكل ماتمناه واغلا طموحي

.....