فوق هام السحب ( الشعر الشعبي) على متن القوافي

‏ما عاد لـ الأحلام والوقت قيمة
‏ وما عدت متحسّف على تضحياتي
‏ٰ
‏ كانت سنين الطيش جدّا عظيمة
‏ محتاج أرتّب من جديد أمنياتي

.....

‏أدري أنك مثل حالي مبتلش بظروفك
‏و كل شيٍ فالمحبه صار ماله معنا
‏ٰ
‏الصداقه والشعر وتشوفني وأشوفك
‏خير من حبٍ يفرقنا ولا يجمعنا

.....

ماتضيّق سود الأيام من صدره رحب
‏مؤمنٍ بأن البسيطه وأهلها فانيه

‏جعل دنيا فرقتنا عن أغلى من نحب
‏يجمع الله بينّنا فالحياة الثانيه

.....

‏مضى مامضى واللي مضى ينذكر بالخير
‏ولا عاد ينفع ودك اني ولو انك

‏شبع قلبي من ملاوع الضيق والتفكير
‏الين اكتفا ولا انت ما ينشبع منك

.....

‏اعطيته اشعوري وبالشعر خصّيته
‏الروح بيته وغيره ما سكن فيها

‏احلوّت ايام عمري يوم حبّيته
‏وطيفه اذا مر باحلامي يحلّيها

.....

‏أقسى من الدمع صوتٍ تقتله ونّه
‏والونّه اللي تجي من شوق غلّابه

‏لإنسان من كثر ما تغليه وتحنّه
‏تختار فرقاه وأنت تضيع في غيابه

.....

‏جيتك أدور من ضما روحي وسط عينك غدير
‏جيتك وانا كلي فرح والحزن سايق موكبه

‏ما جيت أدور حب عابر أو أدور شي مثير
‏ولا جيت أدور دور في فلم المحبه ألعبه

.....

يهبّ فيني حنين بكل هبّة نسيم
والذكريات القديمه طارفٍ بابها

غشاني الشوق يا وجهٍ في بالي مقيم
إشتقت لك والمشاعر حثّت ركابها

.....

رح للسعة وش دخلك بالنوايا
‏مالك بسر صدورنا لك علنها

‏وكانك من اللي يبحثون الخفايا
‏حنا من اللي لا لقاها دفنها

.....

الهرجه اليا جتك من غير ميزان
‏أفضل طريقة ردها صد عنها

‏صدتك عنها تجرحه قدر الإمكان
‏وده يرجعها ويدفع ثمنها

.....