فوق هام السحب ( الشعر الشعبي) على متن القوافي

‏لملميني خايف أنه ما بقى فيني بقايا
‏وقلبي اللي تاركه بين الحنايا مالقيته

.....

‏سمعتوا بتناقض ضيدان بن قضعان
‏يوم يقول بأول قصيّدته

‏فمان الله يا أول من سكن بين الضلوع العوج
‏عسى دربك سفير ويا عسى الله ما يخليني

‏لاكن شوقهِ طغى اخر القصيدة وقال:

‏فمان الله سق ركبك على درب السنين العوج
‏ولكن طالبك لا أقفيت عني لاتخليني

‏حنا تقاسمنا الخطأ كابرت يوم إنّي صواب
‏وذي زلّتي اللي كنت أجنّبها وأخاف أزلّها

‏قفّلّت باب العذر يوم إن العذر فيه ارتياب
‏ولافطنت لكلمة آسف يوم قلت افطِن لها

‏هذا أنا ما أعاتب المخطي ولا أسمع عتاب
‏فرقا وراها عـزّي أغليها غلا وأجلّها

‏سابقت خطواتي وأنا قلبي يونّ من الغياب
‏لكن وش أبغى غير عزة نفْس تسبق ذلّها

.....

‏الجروح الغافيه ذا الليل كنها مستجّده
‏ودها تكشف خفايا خاطري واخر علومي
‏ㅤ
‏لي من الضحكات والراحه ونوم الليل مده
‏يا الله بعلمٍ يسر البال ويبدد همومي

.....

‏مانكشف اسرار الصديق المقفي
نوفي معه لآخر حياته ونبكيه

وليا ذكروه بسو نزعل وننفي
ونذكر محاسن سيرته يوم نغليه

.....

مرحبا ياليله السبت والليل الطويل
اقلطي بصدري الي من الشوق امتلا

جيتك ماهي غريبه وصدك مستحيل
كان لك عندي محبه وتقدير وغلا

.....

ياقبلة الاحساس ياللي بالغلا مالك خشير
يوم الليال ملاح انا مرجعك وانته مرجعي

فرشت لي في بادي الامر النمارق والحرير
مع كل مطلع شمس ووعودك تراود مسمعي

.....

الجادل اللي تقول الخدّ مثل الجمر
ماودّك إنّها تنوش القاع رجلينها

غرو نحرها القمر في ليّل خمسة عشّر
والموت من رسمة الشفه ليا عينها

.....

وجهي مع الطيبين ايطيب ويجمل
وعلى هدوئي تطابخ غبن عذالي

ألحمدلله مجمّل علم ومكمل
وان شانَ وقتي حشا ماشانت أحوالي

.....

‏قلبي مع اخبارك وكيف الزمن فيك
وكيف الليالي معك ياجعلك بخير

بعدك يزيد الشوق ياجعلي افديك
لك وحشه من بد كل البشر غير

.....