فوق هام السحب ( الشعر الشعبي) على متن القوافي

اسياد وانصادم شغاميم واسياد
قبل يسود الحكم مكه وطيبه

واليوم حنا اخوان وامجادنا امجاد
مثل القريب اللي ينومس قريبه


ابوسامي

نعشق ‎سمان الهرج والقاف الثمين
يوم اغلب القيفان مامنها جدا

به ناس شعّارن وبه مستشعرين
احدٍ حبى واحدٍ مشى و احدٍ عَدا


ابو نواف

‏يميّز الانسان .. عقله وثقله
‏وانا بعمري ماتصنعت ثقلي

‏اخاطب الجاهل على قد عقله
‏واخاطب العاقل على قد عقلي

.....

‏لاستانس الخافق ذكر من يحبه
‏ورجع يراجع فى الوناسات مافات
‏
‏يا مرتع القلب الحزين ومربّه
‏يزين بك مثل الذهب صدر الابيات
‏
‏هيهات ينسى القلب شخصٍ يحبه
‏وهيهات يدله خاطري منك هيهات
‏
‏ونبع الغلا عندك وعندي مصبه
‏ومن الوله في خافقي لك ولايات

بن فطيس المري

أنا الثقيل الثقيل اللي معك ماثقل
عطاك مالا عطى غيرك ولا قال هات

أحبك بقلب لا والله بقلب وعقل
محبة العفِّه اللي مابها مغريات

.....

دام عز النفس باقي يا زمان الكوبه
‏والله إن شبحي بعيد وعزتي تغنيني

‏القدر حُكمه كذا والاّ الزمان اعجوبه
‏ما لقيت من الفرح ذره ولا يسقيني

‏العطا مد الكريم معجل بالتوبه
‏لا نوى يونسّ خفوق ولانوى يشقيني

‏جعل رزق الاوله من حظنا مكسوبه
‏وجعل خيره والفرح من مدته يعطيني

.....

يامهرة العز عيشي اجمل اوقاتك
ست الاصايل فريده صعب ترويضك

‏جزل القوافي تفاخر في مناجاتك
طاغي حظورك جميل وصعب تعويضك

....

‏ما بالقلوب البيض فتنه وتحريض
إمجمله واصحابها جملوها

.....

‏عزيز النفس مايقبل محبه بابها مسدود
‏ولا يمشي على دربٍ يذل الراس ويضره

.....

‏جالس لحالي على مركاي متمركي
‏أراجع اللي مضى وأبكيه وأفتكره

‏ما غير أردد قصيدة متعب التركي
‏توديع الأحباب مثل الموت له سكره

.....