فوق هام السحب ( الشعر الشعبي) على متن القوافي

‏شالت لك ضلوعي من الشوق ماشالت
‏قلبي اعرفه وانا اظنك تعرفينه

‏يصدق اشواق قلبه كل ما احتالت
‏انك للحين ماضعتي من يدينه

‏سولفت سولفت لين السالفه طالت
‏بالله ماهو عيب اللي تسوينه

‏حبيبك دموع عينه كلها سالت
‏ماعاد باقي دموع تطيح من عينه

‏قصايده سولفت لك عنه وقالت
‏وشلون واحد مثل هذا تخلينه

.....

لو تدري الأرض بإنك مندفن فيها
قالت ياكبر الجميل اللي ملا بطني

.....

‏اشتاق اسولف معه من غير احد يدري
اسرارنا عن جميع الناس مصيونه


احيان في حكيه يقول ياعمري
واحيان لاقال اسمي قلت ياعيونه

.....

لو المسافه عاندتني بدربي
وين أبلقى لي مسافه واكونك

كل يوم اسولف عن عيونك لقلبي
مافيه طاري عندي إلا عيونك

.....

خلوني احب خشمه وألمس كفوفه
لو كان أشوفه من الجمعه إلى الجمعه

ياكبر جمله علي وكبر معروفه
ولباه والناس مفترقه ومجتمعه

.....

خلّك على الوجه الابيض وأصلح النيه
لاتقول هاذي لأجل هاذي مسويها

قل جعلها حسنةٍ تقضي على سيّه
الناس مهما تسوي صعب ترضيها

يالله بذكرٍ جميل وسمعةٍ حيه
والوقفه اللي تبيّض وجه راعيها

.....

اعتزالي عالمٍ يسمعون وينقلون
عزلة الزاهد عن العيش بين العالمين

اتركوني خارج الدايره لو تسمحون
لا بديتوا في مزارق لحوم الغافلين

.....

قالو لي هالدنيا ذهب أطمع شوي
ياليتهم يدرون قلبي من الماس

نفسي ثمينه دامني بالزمن حي
قل للرخيص الغصن مايشكي الفأس

أنا الشموخ إللي من وقوفي الفّي
وأنا البسيط إللـي يبكيه الاحساس

ما أحتجت في الدنيا وإذا أحتجت لي شي
محتاج ربي ماني محتاج للناس

.....

عليك في طيب النوايا والصلاة
ولا تنشغل في ذا الحياة الفانية

ترا الحياة الاوله ماهي حياة
رتب امورك للحياه الثانيه

.....

أستوى في عين شوقك رحيلي مع بقاي
‏أستوي يا الأرض ما للغريب إلا أهله

.....