فوق هام السحب ( الشعر الشعبي) على متن القوافي

‏احبك خل احبك غير احبك شي مدري شلون
اقوله وإلا احبك كلمةٍ فالحب عاديّه

على عرش الجمال أنت المليك اللي مثل فرعون
وانا ماني رسولٍ له عصاةٍ تنقلب حيه

تسلهم بالعيون اللي لو الله ماخلقها عيون
هقيت إن البحر تحت الرموش يدور الفيه

.....

لك في حنايا القلب معزوفة نغم
‏ولك في زوايا الروح همسات الحنين

‏ولك في تراتيل العمر حب وكرم
‏ولك في كفوف الود تقبيل الجبين

.....

‏راج فكري بريضان الخيال الوسيعه
ولا دفعه في مراجه غير كثر الطواري

لين حطت لي بالشعر بصمه بديعه
يستلذون فيها بين كاتب وقاري

.....

‏مابقى لك في مشاويري مسافه
اعتقد حنا وصلنا للأخير

الندم والعذر ودموع الحسافه
مالها قيمه بعد موت الضمير

البحر هادي وتغرينا ضفافه
بس لاهاج البحر موجه غزير

خايف مْن البُعد لالا لاتخافه
لاتخاف البُعد وأحبابك كثير

اشكر احساسك على قل الكلافه
ياكبيرٍ طحت من عيني صغير

.....

‏سلام لك يـابعـد حـبي
القلب شرعـت بيبـانـه

من دلة الشوق لي صبي
ان كان دلتـك مليــانه

يا نسـمـة احبابنـا هبّي
مشتاق للورد واغصانه

من يوم جيتي على دربي
غنى لك الـقلب بالحانه

اليـوم حبك شلع قلـبي
قطـع عروقـه وشريانـه

يالله يالله ياربـي
تلطف بقلبي وحبانه

.....

‏الرفيق الكفو نغليه ونجله
والجناب الدمث مانرخص مقامه

ومن تغطرس يقعد يسار ونزله
وانتغطرس معه من باب الصرامة

بعض الأحيان التواضع فيه ذلة
والغرور أحيان من حفظ الكرامة

.....

‏يالله لطفك وسترٍ ماغنى عنه
وانك الى الخير ترشدنا وتهدينا

والرحمه والعتق من نارك الى جنه
وانك تحقق لـنا غايت امانينا

انت الذي لا عطى يعطي بلا منه
كريم ذو الجود لا امتدت ايادينا

يامن لعبده مجيب ولا خلف ظنه
احفظ بلادي وزلزل من يعادينا

بقلمي

‏ياهيه قل للوله يخشى على دمه
ناديت وصلك الين انبح به صوتي

دام المشاعر بوصلك حيل مهتمه
وانت الذي في خفوقك قلتلي فوتي
خلك من الصدفيني اشواق ملتمه
ببحر بعينك قبل اصدمك ببهوتي

ارفق بحالي عرفتك عالي الهمه
ماهي بحاله اعاني الشوق مكبوتي

.....

‏قـدرك الـلي رفـعته فـوق عـيني وراسي
مـاتزعزع ظـروف الـوقت والناس قدرك

غـيرك ايـمر عـابر وانـت ثـابت وأساسي
وان تـكدّرت لحظه جيت اشاركك كدرك

ابـتـعـد عـــن كــلام الـنـقل والإقـتـباسي
غيمة احساس صبت وبلها وسط صدرك

.....

‏حيّا الله اللي رضاها يسعد اعماقي
تفهم وش اللي يسرّ القلب وافهمها

الفلسفه والترف والمستوى الراقي
والمعرفه والذكا سبحان ملهمها

يفزّ معها الفكر والحرف واوراقي
لين اقطف الشِعر من يدها ومن فمها

.....