اخترنا لكم

مساگ نبض العروق وبوح وهوجاسي
ومساگ عذب القصيد الزين واحساسه

مساگ شوقي عليگ وفاخر احساسي
مساگ نفحه عطر والورد وانفاسه

....

‏تعال نقسم يا الغلا شوقنا صح
باخذ من أشواقك وبعطيك شوقي

جرب مطر غيمي إذا قطرها شح
تعرف موازين الغلا في عروقي

....

‏حنّا بـدو ما عندنا لعب جهّال
وعمر المحبه ما تجي عندنا لعب

ونشوم عن حبٍ يجي مزح وهبال
ويلا عشقنا طبعنا نعشق الصعب

منصور الحبابي

لا تجاهلني وأنا من عريبين الجدود
كان عندك شي لا تستحي منيّ قله

....

لا تقول ان المسافه ما تجيب الغياب
‏ابن ادم لا أشتهى قلبه مشت رجلينه

....

ما قد تحسفنا على مدت الطيب
‏ما تضوي بعين الكريم الحسايف

....

كم خيمةٍ برواقها للعرب ظل
وكم فلةٍ ماتحتها الا المهونه

لايغرك الديكور والقصر والزل
كم من كريمٍ كرمته من ديونه
....

قالت تغزل في عيوني يا معذبها
قلت اسمعيني ياجعل الناس يفدونش

عيونش اكثر قصيده مقدر اكتبها
اخاف من كثر ما اوصفها يعرفونش

.....

‏خلك قوي ولا تخسر الكرامه
مهما خسرت من الحبايب وفارقت

ولا تمضي ايامك عتاب وملامه
حتى ولو انك حزنت وتضايقت

وإن شحّت يدين الزمن بإبتسامه
اصبر وقول المسأله مسألة وقت

منصور الحبابي

‏والقصايد ما تليق إلا لعيونك
‏يا عيونك ويش سوّت بالقصايد

....