فوق هام السحب ( الشعر الشعبي) على متن القوافي

سم اللقا صدفه وأسميه ميعاد
‏انا انتظرتك وأنت مريت صدفه

.....

إسلوبها راقي ودايم خجوله
وكلامها ما بين تسلم ولا هنت

صعبه ولا يمكن تجي بالسهوله
انشهد إنها تختلف هذي البنت

....

تعال واحضن كل ضلعن لك يحن
يامنيتي لك شـوق اعيشه امانـي

جيتك وفا ملهوف كلي لك احـن
انبضك عشق وبوح قلبي معاني

.....

‏لبيك من قاصـي خفــوقي ولبيك
يالي لك الاشـواق فـ القـلـب حيه

اسكن بقلـبً ماعشـق غير طاريك
مـن يــوم شافك رحب وقال حيه

بين البشر والكون محدن يساويك
غــلاك زايــد لعـنـبو حــي حيه

.....

‏تعال واسمعني ترى ودي اقول
كلمه ولامني سكت اعتمدها

اشتاق لك واللي خلقني على طول
واشتاق لهفة خافقك وافتقدها

.....

‏انا مامحيتك من خيالي وكيف امحاك
ولك صورةٍ في متحف القلب موجوده

نساني تبسّام الفَرح لو بغيت انساك
تدور الليالي ما أَخلف العاشق عهوده

.....

لو الليالي اسلمتنا من بلاوي الاحزان
والظروف القاسيه مدت يدها ولانت

كان محتجنا مشافي وطب بن حيان
ولا كانت انفوسنا من الامراض عانت

.....

‏يا كيف اعبر لك عن إحساس قلبــي
‏وانت بحضورك تسرق حروف شعري

‏يمكن غلاك إيجاب والشـــوق سلبـي
‏كل ما صدفتـك انجذب دون لا ادري

.....

ماتفعله يمناك في واجب الغير
‏تلقاه لاضاقت عليك الوسيعه

‏ابذل من المعروف وابذل من الخير
‏الرازق الله والجمايل وديعه

.....

لا تعتبر كل العرب ربع واصحاب
‏ترى بعضهم جمرتٍ في رماده

....