فوق هام السحب ( الشعر الشعبي) على متن القوافي

المال يصنع لك مكان ووجاهه
لكن ما يقدر يخليك رجال

....

لا ٺنصدم من صده ‏​‏​‏​‏​‏مالهَا اسباب
بعض البشر ماله مع الناس مبدى

....

حبيبي مرَّني وجهك مثل حقٍ بدون جْدال
‏مثل صمتٍ على تايه مثل تايه يبي له شوَر

....

‏ماحن لفعل الطيب نحتـاج تذكيـر
‏محفــزات الطــيب منا وفينــا

‏عند الخوي ماحن نسوق المعاذير
‏يبشـر بنـا من قبـل يزهـم علينـا

....

تجاهلي لبعض الاوادم من الله
ماهيب شوفة نفس والا كِبر فِيّ

احب انزل كل شخص بمحله
ولا احب اجي لي في محلٍ مهو لي

....

‏أنا على كف الزمن عايش الجو
‏لو الظروف أقسى من اللي تجينا

‏عشت الحياه وقلت ياخاطري سو
‏محد تفضل بالوناسه علينا

.....

‏لا ذعذع الغربي زعلت من الهبوب
‏وضاقت علي من المحبه والوله

‏قلوبنا ماهيب حي الله قلوب
‏إن كان حبت مشكلتها مشكله

.....

‏حنا الوفي من صافي الود نسقيه
‏ومن زادنا بالطيب إحنا نزيده

‏والي طرانا ساعة الضيق نطريه
‏ونكون عونه بالظروف الشديده

‏نغليه والله راعي الجود نغليه
‏ونصون قدره لو دياره بعيده

.....

عشنا حياه الوفاء طيبه وعفويه
من يفهم الجود يفهم طبع الاجواد

.....

ماهي بسيطة عزتي عند ذاتي
وماعدّ نفسي شي دون الكرامه

رح علّـم اللي قلّلوا مـن غلاتي
من باعني برخيص درب السلامه

.....