اخترنا لكم

‏فيك اشوف لحزة الضيق فرجة واتسّاع
‏ومنك اشوف ان عاد الايام والدنيا بخير

.....

‏انا القديم الي يحب القديمين
‏وانا مريض الماضي وذكرياته

.....

اخذت من وقتك يادكتور العيون
عالج عيوني لو بعد طبك عميت

واستر علي والي معك لايفطنون
انـت الوحيد الي بعد ربي دريت

محمد بن فطيس

لا سراء الليل وتهنّو سليمين الصدور
‏أشتحن صدري وعود على قلبي بلاه

.....

حداني على الخط المزفلت ومسرا اليل
غلا واحدا لا جيت بنام سراني

.....

‏لا جفاك الي من الناس له عندك مقام
‏نعمة النسيان جزلة وفي الدنيا سعه

بقلمي

يامرحبا باهل التواضع والأخلاق
‏واهل الوفاء والصدق واهل المروه

‏اللي نواياهم كما بيض الاوراق
‏تقديرهم واجب علينا بقوه

.....

مانويتك بالجفا والبعد لكن
الظروف القاسيه عنْك أبعدتنا

.....

بين الردا والطيب تصنيف للناس
‏ياخذ بها الانسان تقرير سمعه

‏اما يجي مثل الذهب طيب الساس
‏والا كما القصدير ما غير لمعه

.....

على سبيل الصمت يا مكبر البوح
‏والعين تحكي بوح قد طال صمتـه
‏
‏بعض الكلام يعانق الروح ويــروح
‏وبعض الكلام يموت بك ما نطقتها

.....