اخترنا لكم

العبث ماهوب طيب خصوصاً فالقلوب
‏لاسكنتوا في قلوب البشر روفوبها

.....

ياوجودي كل ماحال دون الراي راي
والظروف القاسيه ساري مفعولها

كم نويت اقول كلمه تبيّن وش بلاي
وامنعتني شيمتي واستحيت اقولها

خايف ابدي بعض الاسرار وافرّح عداي
عالما ياليت ربي يرد عقولها

اربع وعشرين ساعه وهي تمشي وراي
كتي آخذ لقمة العيش من محصولها

منصور الحبابي

‏لو قلّوا احبابك ولو كثروا احبابك
‏يكفيني اني في قلبك ساكن لحالي
‏
‏مهما تمادى الزمان وطوّل غيابك
‏انا ادري انك تتابعني وتقرالي

.....

الخاطر إن عاف مثل النفس لا طابت
‏تقفي ولا عاد به شي ٍ يجودها

‏أنا بغيت الغلا يوم الغلا ثابت
‏واقفيت والنفس مدري وش يراودها

‏رميت لي رمية ٍ وحده ولا صابت
‏وحلفت بالله ماعـاد أتعودها

.....

‏أعطيه من وقتي يسولف وأسمعه
وأرخي له فؤادي وأرخي مسمعي

من كثر ما قلبي وتفكيري معه
أشتاق له حتى وهو يتكلم معي

.....

قالت تغزل في عيوني يا معذبها
قلت اسمعيني ياجعل الناس يفدونك

عيونك اكثر قصيده مقدر اكتبها
اخاف من كثر ما اوصفها يعرفونك

.....

بكره يمر احلى من اللي نويناه
بكره تزين بعون ربي وتمضي

عفى الله عن مواعيد انتظارك والسنين حيام
‏وقفت وما معي غير الوله واقف ومتسامي

‏يخوفني ضجيج الشوق لا ارتاد الطريق العام
‏وتغيرت بكل اتجاهاتي وتأثيري وهندامي

‏حرارة فقدك اقسى ما تجيبه بارد الانسام
‏وانا للحين من حر المفارق ترجف عظامي

.....

ثقيل الحزن لاصار في كل ليله ضيف
‏ليا رحت أدوّر للفرح درب يمسكني

‏ومن كثر ماني فاقد الضحك مدري كيف
‏تمنيت لو شر البليّه يضحّكني

.....

المحبه شي عادي والعداوه شي عادي
‏القلوب لها نظر وأحساسها مثل المنبّه

‏حب من ودّك تحب وعاد من ودك تعادي
‏بس عيب إنك تشوّه سمعة إللي ماتحبّه

.....