اخترنا لكم

تربينا على العز وكـلن عـلى مـرباه
عشقنا المباديء ماعشقنا مصالحنا

.....

ياشين طعم الصبر لا صرتَ مجبور
تصبر ولا تدريْ وش الايـام تعطيكُ

.....

لا تتعب ورى اللي ماورى عرفهم نوماس
ولا تستحي من ناس مهيب مستحيه

لو أن الحيا مثل الشعر في وجيه الناس
لقيت أكثر العالم لا شارب ولا لحيه

.....

ماتنشري روس الرياجيل بفلوس
ماينشرى بالمال غيــــر البهايــم

لا قوه امريكا ولا قــوه الـــروس
تقـــدر علي اللي يملكون العزايم

.....

تغريك حاجه وتلقى من وراها ضما
‏بعض التسرع يحط الناس في مشكله

‏ماكل من ضاع فالدنيا فعينه عما
‏بعض العيون السليمه دربها تجهله

.....

كلنـا جينا على تسعه شھور
‏وكلنا في الملتقى يوم الحساب
‏
‏لا تكابر ما على الدنيا غرور
‏الكبير الله ومرجعنا تـراب

.....

أحر من وقع السيوف وأشد من طعن الرماح
لاصار فيك الهم باين وانت صامل تنكره

.....

انت لي في صبح الأشواق تعديلة مزاج
كن صوتك لصبح الصبح فنجال اقهوه

.....

مالك من ايامك الا صالح اعمالك
‏والا انت جثهّ واعز الناس يدفنها

.....

صبرك على الدنيا ولا منة الناس
خلك سما ومن القدر لا تضيق

من طاح في الدنيا وهو رافع الراس
ماطاح قدره من ععيون الخلايق

.....