اخترنا لكم

ﺇﻥ ﺷﻔﺖ ﻓﻲ ﺧﻠﻖ اﻟﻠﮧ ﺃخطاﺀ ﻭﻋﻴﻮﺏ
ﻭﻓﻲ ﻛﻞ ﺛﻮﺏ ﺗﺸﻮﻑ ﺷـﻖٍ ﻭﺭقعه

اﻋـﺮﻑ باﻧـﻚ ﻻﺑﺲ اﻟﺜـﻮﺏ مقلوب
ﻭﻛﻠﻦ ﻳﺸﻮﻑ اﻟﻨـاس ﺑﻋﻴﻮﻥ طبعه

.....

‏ليت كل الناس بأوصاف الغيوم
لا سـواد ولا نفـاق ولا ريـا

تسكب الامطار من فوق الهموم
وتنثر الدمعه على شـان الحيا

.....

‏دامني في ذراك اعيش عيشة كريمة
‏والكرم والرجولة عادةٍ للسنافي

‏ماخذه من طبوعك قو باس وعزيمة
‏والهدوء والرزانة والثقل والتكافي

‏خلنا نقلب الأمثال لو هي حكيمة
‏ودي اوضح الصورة ببعض القوافي

‏خلف كل الرجال نشوف مرأه عظيمة
‏بس انا أحس بالعظمة لأنك خلافي

.....

لاباس ياشكاية الوقت لاباس
‏عند المدبر دبرتن نحتريها

عبدالرحمن بن بديع

‏هاك القصايد لا تضايقت وأقرا
‏شف وش كثر فيها لضحكاتك أشتقت

‏لا تنشغل فيني أنا بحالي أدرى
‏قلبٍ تعلّق فيك ينسى مع الوقت

‏أشوف لك من وين ما رحت ذكرى
‏ولا شفتها صدّيت عنها ودنّقت

‏ما كل جرحٍ لا خذ أيام يبرى
‏بعض الجروح يزيد شرّه مع الوقت

‏متعب التركي

‏يالله ياربّي وأنا عبدك وإبن عبدك وخايف
‏خايفٍ من وقفتي قدّامك في يوم القيامه

‏كل يوم أحسِّب ذنوبي وتاكلنّي الحسايف
‏إهدني يارب وارزقني طريق الاستقامه

بقلمي

احرص على الشيبان ياللي تجيهم
ترى كبير السن يفرح بمن جاه

لكن طلبتك لاتسولف عليهم
هذا دنى موته وهذا دفناه

بقلمي

يقولون ماودّعك قلت الفراق وصار
‏والانسان تسلب روحه ولا يودّعها

متعب التركي

هزّني لا نويت تغيب هزّة وداع
‏يمكن يطيح مع دمعي غلاك في يدي

نواف الدويش

‏لعنبو من لامني لا تجاهلت الوداع
‏الموادع حط له في الحشا جرحٍ شنيع

سعد بن جدلان