اخترنا لكم

ودك تحطه فالعيون من العيون
وتبسط على رمضى الثرى يمناك له

محمد بن فطيس

ياغايبه عن عيوني ماكفاك الغياب
وأنتِ اكثر انسان تملك في خفوقي سعه

ماغير اردد لاشفت الجو كله سحاب
الله يجيب المطر والله يجيبك معه

.....

ما نسيتك لو تحس اني نسيت
‏سيرتك للحين تملاني حضور

‏اذكر اني يوم ودعتك بكيت
‏من بعد هاليوم ما املك شعور

.....

على الود والاشواق ياهاجسي ادعيه
عسى عيني تشوفه الا وابري حالي

تجدد طعونه كل ما جددوا طاريه
عقب ما سرق قلبي وخلاني لحالي

نجود الفيصل

عيني سهيره وقلبي للغلا مشتاق
والفكر شارد ونار الشوق حراقه

والضيق طوق بقلبي والحزن طواق
والصبر يصرخ كفى ماعاد لي طاقه

وانت السبب انت يامن لك تخر اعناق
وتهز شُمخ بغمزة عين براقه

ياللي غرامك وحبك وسط قلبي بآق
دايم مضمن وماغيرك في ارواقه

عليك حنيت حنه من وسط لعماق
حنة كسيرن ومافزعوا له ارفاقه

من بعدما غاب شخصك عازمن لفراق
كأن ماله جمل فالامر او ناقـــه

.....

‏من زعلك يا نوم تهجر عيوني
المعذره يانوم لا كنت زعلان

خليتني ساهر اردد لحوني
والناس مرتاحه وانا الان سهران

لاشك في موضوع زود جنوني
خلاك تهجرني ومانا بغلطان

الضيق اضناني وسهر جفوني
يانوم كافي خاطري حيل تعبان

.....

‏صباحُ الحُبِّ أشْرَقَ من سَناكِ
على قلبٍ أحبَّكِ واصطفاكِ

كأنَّكِ والصَّبَا فرَسَا رهانٍ
إذا هبَّتْ يـُسابِقُهَـا شذاكِ

.....

نبتسم في وجه الايام لو مابه حصيل
خاطر الطيّب ما كل الظروف تكدره

.....

اللّي خذلنا ما نعيد الرجاء فيه
لو هو بجنب أكتافنا ما نشوفه

.....

خلك لحالك وكف خيرك وشرك
محدن وراء المقفين بتوقف حياته

.....