اخترنا لكم

ياهاتفي وصل من الشعر ما طاب
وأسمى شعور الود مع نفخة الطيب

باسم الوفاء خاطب عزيزين واحباب
واحمل مضامين الغلاء والمواجيب

.....

ادري ان الحلم لامنّي عطيته إهتمامي
صارحلمٍ للجميع وصارله معنى وقيمه

الخساير في حياتي ماتنزّل من مقامي
انخلقت بقلب طير و روح ما ترضى الهزيمه

.....

جعل ماجانا من الوقت كفارة ذنوب
وجعل طربات الليالي تجي متساويه

.....

ماني من اللي يتبع المقفين يا نايف
طبعٍ ورثته من اللي مات ما خرّف

من صد صديت لو هو بالغلا كايف
وإن راح جعله مراح الطير لا صرّف

.....

من جاك عاني كاسبٍ بك جماله
‏في وقت قل الوصل مابين الارحام

‏اجلس معه لاتستشك وش طراله
‏الله كفيل الخلق من عهد الايام

‏فنجال مع ضحكه بعدها بياله
و‏يذكرك لامن راح في سبعة انعام

هذا الزمن ماهو زمان العباله
يوم العرب جوعا وكبودها حيام

الله عكس الاحوال واكبر دلاله
كل بيت تلقى فيه سايق وخدام

.....

‏آساير ظروفي ٍ ليتها جت على ودي
‏عسى الله يعدل ميلها لين تصفالي

‏أبصبر ولو حلم العمر واقف ٍ ضدي
‏لعل الحظوظ اتزين في عمري التالي

.....

إن زانت ظروف الليالي ضحكنا
وإن كانها شانت ضحكنا عليها

.....

عسى الله يجنبنا دروب الردى والهون
وعسى الله يجملنا ليا حل واجبنا

.....

لا تلتفت للناس مهما يقولون
خل القفا لأهل القفا لا تحاكت

.....

‏النذل خلّو مجلسه عند الانذال
ما للردي في سكٌة الطيب جرّه

امّا يجي رجّال ويروح رجّال
والاّ يصد ويكفي الناس شره

.....