اخترنا لكم

درب الهوى مافيه كاسب وخسران
دام الحبايب بين بايع وشاري

يجلط خفوقي كلّ حاسد وخوان
اللي يحاول يبعدك عن مساري

.....

شوفك ينسيني شقى كل الايام
ادخل على الله لاتفارق عيوني

وان كان غيبتك مقادير الايام
صورتك والله باقيه في عيوني

.....

أقدارنا نجهل تودينا لوين
الله عطا والله خذا والله كتب

نعوذ بك ياربنا من حاجتين
كآبة المنظر وسوء آلمنقلب

.....

على الله على الله سيرها والرجا ماخاب
على الواحد اللي فيه الامال معقوده

كريمٍ ليامني دعيته فتح لي باب
حليمٍ ليا زليت ما ايّست من جوده

.....

يا جماعة كان لي حقٍ عليكم
أدعوا أنّ اللي على البال يتحقّق

ضايقٍ صدري وأنا منكم وفيكم
كن قلبي بين الأضلاع يتشقق

.....

اسمحوا لي لين أطيّب خاطري وأخفي حضوري
ودّي أبعد عن جميع الناس دون أدناة سبّه

الحضور أشبع غروري والغياب أصبح ضروري
والعرب ما عندهم غير المحبّه والمسبّه

.....

لا تسخر من المبلي وتضحك على بلواه
يقولون من يضحك على شي يبلابه

إذا الله بستره ما شمل عبده وغطّاه
الإنسان ما تستر عذرايبه ثيابه

.....

الضيقه أحيان من لا شي تبلاني
وأنا بلا شي فيني ما يكفيني

أسألك ربي تخفف جملة أحزاني
وتدخل على قلبي الفرحه وتهديني

.....

البارحه ماني من الهم خالي
لو كان عيني بالسهر مالها ذنب

ياشين سكين الرفيق الموالي
اللي توغل بك من الجنب للجنب

.....

نهارٍ غثيره يرضي الخاطر الزعلان
لك الله كن الشمس بالغيم محجوبه

تخفّى بعضها فالغثير وبعضها بان
مثل بنت عودٍ يوم شافوه هلو به

عطوه النشاما منحر المجلس المليان
وهي تتقي من زحمة الناس في ثوبه

.....